Accessibility links

шимбә, 3 декабрь 2016, Казан вакыты 09:59

Küzätüçelär fikerençä, Bushnıñ tırışlıqları ğäräb dönyasındağı näfrät, açunı kimetü öçen citärlek tügel


AQŞ xärbi politsiäseneñ ğıraqlı totqınnnarnı ezärlekläwe turındağı foto- räsemnär böten dönyağa taralıp ber atna ütkännän soñ ğına G.Bush, administratsiä häm yaqın könçığış säyäsätenä kilgän ziannı kimetü mäqsatında 2 Ğäräb televidiniäsenä ängämä birde. Şulayuq däwlät sekretarı häm Milli İminlek mäsäläsendäge kiñäşçe dä bu turıda belderülär belän çıqtı. Ämma küzätüçelär fikerençä, Bush tırışlıqları Ğäräb dönyasındağı näfrätne kimetü öçen citärlek tügel .

Al Arabiä häm AQŞ xökümäte tarafınnan finansiälängän al Hurra telekanallarına birgän ängämädä G.Bush ezärlekläwlär öçen ğafu ütenmi, añı cirengeç eş dip atadı häm bu ğämälne qıluçılar amerikan xärbi personaleneñ zur öleşen täşkil itmi dide.Al Hurra xabärçeseneñ sorawına xökümät bu eşkä qatnaşuçılarnı mäxkämä aldına çığaraçaq gigän cawap birep(audio) bez başqalarınnan kötkänne üzebezgä eşliäçäkbez. Ägär dä bez sez keşe xoquqların bozasız ,problemanı xäl qılığız dip äytäbez ikän . Bez şuluq närsäne eşliäçäk, problemanı xäl qılaçaqbız dide. Däwlät sekretarı Powell jurnalistlar belän oçraşıuda bolay dide(audio) Bez Amerika xalqı häm ğäräb dönyasındağı duslarıbıznıñ närsä buluın añlawları öçen barlıq mäğlümätne cıyarğa telibez.Bezneñ ildä qanun ,zakon, ğädellek xökem sörä. Bu tör ğämäl qılanışlarğa çıdamlıq kürsätelmiäçäk häm mömkin bulğan in qırıs möğämälä kürsäteläçäk. Amerikan xärbi politsiäseneñ cinese yaqtan kimsetelgän totqınnar yanında töşkän räsemnären möselman cämğiätenä ber niçek tä añlatıp bulmıy dip äytä George Waşington Universitetı profesorı Nathan Brown .Şunlıqtan di Brown ziannı kontrol itergä tırışu näticesez bulaçaq Anıñ süzlärençä(audio) Waqıt qına yardäm itä ala. Keşelär sonğı çiktä onıtırlar dip ömed itep bula.Ämma bu ziannnı kimetü yulı barmı dip soralsa, yalğış soraw.Çönki şul qädär küp zian zarar bulmasa ide , mäsälä dä andıy qaranğı räweştä täfsillänmäs ide Yaqın könçığış İnstitutında eşläwçe analitik Murhaf Jouejati mäsälägä bıraz uñayraq qarap min Bushnıñ nixäyät ğäräb televidiäsenä ängämä birüenä şatlandım, Bushnıñ totqınnarğa möğämälä mäsäläsendä amerikannar belän Saddamnı çağıştırıp, bu küreneş amerikannar öçen çığarma bulsa, Saddam öçen qağıydä ide dip äytüe miña täsir itte dide. Jouejati (audio) Soña qalu waqıtında ğäräblärneñ açuı arta ğına bardı. Ber genä ölkän AQŞ räsmie yaxşı itep cawap birmäde. Prezident televidiniädä mäsäläne añlatqanda ğäräblärneñ açu,näfräte bik yuğarı däräcägä citkän ide.Minemçä bu ziannı kimitmiäçäk. Zian tözäterlek tügel dip äytte Brown da kiçegü Bushqa yardäm itmiäçäk digän fiker belän kileşsä dä ,bu Bushnıñ qayber tänqitläwçwlär äytkäneçä täqäberlegen tügel ä xärbi komanda çılbırında mäğlümätneñ aqrın yörüen kürsätä di.Aqyort räsmiläre kiçä Bushnıñ törmä skandalı turında waqıtında xabär itmägän saqlanu ministırı Rumsfeldnı şeltälägänen belderde.Här ike analitik tä totqınnar skandalı AQŞnıñ Ğıraqtağı tırışlıqların totqarlağan problemalarnıñ sonğısı ämma iñ yämseze dip äytä. AQŞ ğäräb dönyasında üzenä orım yasağan berdän ber mäsälä totqınnar cancalı belän genäme eş itergä tieş digän sorauğa Brown(audio) Bu yalğışqan berdänber ber mäsälä tügel. Amerikan planı berniçä ay elek parçalana başladı. Totqınnnar skandalı tabutqa suğılğan tağın ber qadaq qına .bu Ğıraqta näticä yaxşı bulmayaçaq digän süz tügel,ämma AQŞ protsessta öleşçä kontrolnı yuğalttı digän cawap qaytardı. Jouejati dä üz çiratında ilneñ suğış belän cimerelüe , iminlek şartlarınıñ naçar buluı häm xäzer totqınnarnıñ ezärleklänüe turındağı xabärlär küp kenä ğıraqlılarnı şulsanda Saddamnı bärep töşergän okupantlarnı xuplağan ğıraqlılarnıñ da açuın çığardı dip söyläde. Ğäräb dönyası Ğıraqtağı fäciğäle xällärgä,Waşingtonnıñ İzrael säyäsäten yaqlawına yaxşı küz belän qaramıy .Jouejati AQŞ öçen yaqın könçığışta bik naçar waqıt, Bush prezident bulıp torğan möddätçe ğäräblärneñ amerikan tışqı säyäsätenä qaraşı üzgärmiäçäk dip äytä.

färidä xämit,praga
XS
SM
MD
LG