Accessibility links

шимбә, 10 декабрь 2016, Казан вакыты 15:47

Batumı xäkimiät alışınuın bäyräm itä


Gruziä belän Rusiä terrorçılıq belän köräş häm başqa zur mäsälälärne bergälär çişüdä qızıqsınu belederde. Bu xaqta ike ilneñ tışqı eşlär ministrları Mäskäwdä ütkän matbuğat konferensiäsendä belderde. Söyläşülärdä şulay uq Rusiä xärbi nığıtmalarınıñ Gruziädäge statusı häm qalu möddäte dä tikşerelde. Gruziä prezidentı Mixäil Saakaşvili bügen yañadan Acarstannıñ elekke başlığı Aslan Abaşıdzegä iminlek garatiäsen rasladı. Häm ul, Acarstanda yaña citäkçe saylawları bu yılnıñ yün ayınnan da soñarmıy ütärgä tieş, dip belderde. Adcarstanda barlıq ähämiätle qorılmalarnı Gruziäneñ eçke eşlär ministrlığı üz kontrolenä aldı. Batumıda Gruziä saqlanu ministrlığınıñ 25nçe brigada belän citäkçelek itkän Roman Dumbadze totqarlanğan. Ul Abaşıdze yaqlı bulıp, üzäk xäkimiätkä buysınırğa telämägän. Aña ilgä xıyanät itü gäyeben beldergännär. Batumı uramnarında 10 meñnän artıq keşe respublikta xäkimiät alışınuın bäyräm itä.

XS
SM
MD
LG