Accessibility links

җомга, 9 декабрь 2016, Казан вакыты 20:35

Ğıraqlı totqınnarnı cäberläw cancalı kiskennäşä bara


AQŞ soldatlarınıñ ğıraqlı totqınnarnı ezärlekläwe turındağı cancal kiskennäşä bara. Qayber xabärlärgä qarağanda Waşington bälkim dä bu insident turında aylarça elek öyrängän ämma kiräkle çaralar kürmägän. Saqlanu ministırı Donald Rumsfeld bügen AQŞ kongressında sorawlarğa cawap birä. . Opozitsiädäge kongresmennär Rumsfeld urınınan kitergä tieş dip belderälär.

Amerikan xärbiläreneñ qayberläreneñ Abu Ghraib törmäsendä ğıraqlı totqınnnarnı ezärlekläwe belän qabınğan cancal Bush administratsiäse öçen möhim säyäsı sınawğa äylände. Ütkän atnada mätbuğatta basılıp çıqqan räsemnär tiräsendä barğan şau-şu häm sonğı täräqiätlär bälkim dä Waşington bu insident turında aylarça elek öyrände ämma çaralar kürmäde digän fikerlärneñ beyan itelüenä kiterde. Xalıqara Qızıl Xaç oyışması Abu Ghraib törmäsen AQŞ köçläre qullana başlağannan birle küzätep bara. Jenevada urnaşqan oyışma andağı xällär turında AQŞ xakimiätlärenä daimi xabär birep torğan. Qızıl xaç oyışması süzçese Antonella Notari süzlärençä(audio) Bez Abu Ghraib törmäsenä AQŞ köçläre anda ğıraqlı häm başqa totqınnarnı kiterä başlağannan soñ vizitlar yasıy başaldıq här vizittan soñ törmä xakimiätlärenä üz fikrebezne häm kiñäşlärebezne belderdek häm bu turıda alarnıñ citäkçelären yazılu räweştä xabärdar ittek. Bez Abu Graib törmäsendäge wazğiätne daimi räweştä AQŞ xakimiätlärenä belderdek. Süzçe inspektorlarnıñ närsälär kürüe turında mäğlümät birüne kire qaqtı. Çönki oyışma törmägä kerü yulın saqlap qalu öçen mäğlümätne taratmasqa tieş. Qızıl xaç oyışmasınıñ bu belderüe Amerikan gazetalarınıñ Bush administratsiäse ğıynuar başınnan birle törmädäge xällärne belä ide digän yazmaları basılğan waqıtqa turı kilde.Saqlanu ministırı Rumsfeld bügen kongressta sorawlarğa cawap birä. Opozitsiädäge qayber kongresmenner ul cawapsızlığı säbäple quılırğa tieş dip belderä. Räsemnär, totrıqlılıq urnaştıru , ğıraq xalqınıñ ışanıçın qazanırğa tieşle waqıtta Amerikan xärbiläreneñ abruyın töşerde. Rumsfeld törmädäge xällärne kisken xökem itsä dä, ul Pentagonnın ğäyepläwlärgä birgän cawabın yaqlap , tikşerü metodik reweştä alıp barıldı häm nätcäne belü öçen waqıt kiräk dide. Demokrat kongresmen James McDermott administratsiä xärbilären qayğırtmıy citäkçelek almaştırılırğa tieş dip äytep(audio) Ğıraqqa basıp kerü saylaw ide, ber keşe dä bezgä höcüm itmäde, bez qurqınıç astında tügel idek. Bush administratsiäse äzerme tügelme qaramıy anda kerü könen sayladı . Alar xärbilärne qayğırtmadı . Naçar citäkçelek xärbilärne bik naçar räweştä qullandı , alar kitergä tieş dip belderde. Ämma kongresnıñ respublikan äğzaları yuğarı postağı räsmilärne ququğa qarşı çığa. Tom Delay bolay dide(audio) demokratlar suğışta ciñügä qarağanda Aqyortnı yawlap alu belän kübräk qızıqsına häm doşmannarıbız moñı belä. G.Bush bu atnada xosusi räveştä saqlanu ministırı Rumsfeldnı şeltälägän dip belderelsä dä kiçä ul(audio) Rumsfeld çınlap ta bik yaxşı saqlanu minsitırı ministır Rumsfeld bu il öçen bik yaxşı xezmät kürsätte. Ul 2 suğış waqıtında saqlanu ministırı bulıp tordı häm ul kabinetımnıñ möhim öleşe häm anda qalaçaq äytte G.Bush Amerika prezidentı kiçä Jordaniä patşası belän oçraşu waqıtnda ğıraqlı totıqınnar häm alarnıñ ğailäläre duçar bulğan kimsetü, äzerlekläwgä qızğanıç belderde. Totqınnar tiräsendäge cancal , Waşington Ğıraq strategiese öçen xalıqara yaqlaw alırğa tırışqan waqıtta, ğäräb dönyasında bik zur açu, näfrätkä säbäp buldı

färidä xämit,praga
XS
SM
MD
LG