Ukrainanıñ Melitopol şähäre yanında, qoral saqlağıçta çıqqan köçle yanğın näticäsendä, soñğı mäğlümätlärgä qarağanda biş keşe hälaq bulğan. Unnarça keşe yaralanğan törle däräcädä peşülär alğan. Yanğın çıqqan urınnan un çaqırım tiräli binalarğa, timer yulğa häm ğaz neft ütkärgeçlärgä zıyan kilgän. Yaqın tirä awıllardan cide meñgä yaqın keşe başqa cirgä küçerelgän. Melitopol'dä ğädättän tış xäl iğlan itelgän. Mäskäw belän Simferopol' arasındağı xäräkät tuqtatılğan.
