Accessibility links

шимбә, 10 декабрь 2016, Казан вакыты 12:01

«Miras» jurnalınıñ 5nçe sanına häm «Mäğärif» jurnalınıñ 4nçe sanına küzätü


Mälikä Basıyr: Xörmätle radio tıñlawçılar! Çirattağı şimbä matbuğat tapşıruında bez ike jurnalğa küzätü yasarbız. Berse «Miras» jurnalınıñ Böyek Watan suğışında batırlarça häläk bulğan qaharman millättäşlärebezneñ yaqtı istälegenä bağışlanğan maxsus 5 sanına küzätü. Ä ikençese, «Mäğärif» jurnalınıñ 4 sanı belän tanıştıru. Mikrofon aldında «Miras» jurnalınıñ baş möxärrir urınbasarı, yazuçı Firdäwes Zarif. Räxim itegez Firdäwes äfände.Firdäwes Zarif:«Jurnalnıñ bişençe sanı Tatarstan Respublikası Prezidentı Mintimer Şäymievnıñ Böyek Watan suğışında ciñügä bağışlap uzdırılğan tantanalı utırışta yasağan çığışı belän açıla.Ä «Ädäbi miras» säxifäsendä Watanın qoral totıp yaqlağan ädiplär Nur Bayan, Räxim Sattar, Musa Cälil häm Minhac İsmäğile’ äsärläre, Fatix Kärimneñ «Razvedçik yazmaları», Xäyretdin Möcäyneñ «Suğış yazmaları» isemle ädäbi- dokumental' povest'ları, Ğädel Qutuynıñ «Xäncär» digän xikäyäse urın alğan. Yaralı kileş äsirlekkä elägep, totqınlıq ğazapların tatığan, ğömeren möhacirlektä uzdırıp, olığayğan könendä Çuaşstannıñ Batır rayonındağı tuğan awılı Şığırdanğa qaytıp ike qatlı taş mäçet saldırğan Minhac xaci İsmäğilineñ şiğere dä birelä

Ğayaz ağa, sin bit bezgä qoyaş ideñ,
Sineñ yulıñ aq yul, bäxet yulı ide.
Şuña kürä qurıqmadıñ doşmannardan,
Çönki sin bit batır tatar ulı ideñ!
Kükräk kierep sin atladıñ alğa taba,
Tatarlarıñ xäzer qurıqmıy alğa bara.
Ber kön kiler, İdel-Ural azat bulır,
Şunı kötä, şunı kötä xalqıñ alda.

M. B.: Firdäwes äfände, jurnalnıñ 5 sanında arabızda yäşägän häm icat itkän frontovik-ädiplärneñ äsärläre dä urın alğan.

F. Z.: Sez döres äytäsez, Mälikä. Jurnalnıñ maxsus sanında frontovik-şağir häm prozaik Qawi Latıypnıñ yaña äsäre — «İke böyek şäxes» digän şiğri romanı dönya kürde. Avtor bu äsärdä millätebez yulbaşçısı Ğayaz İsxaqinıñ häm Tatarstan Respublikasınıñ berençe Prezidentı Mintimer Şäymievneñ eşçänlegenä ğädel-obyektiv bäyä birä. Uñışlı parallel'lär, çağıştırular häm obrazlı fiker yärdämendä ädip bezgä XX nçe ğasırnıñ qarşılıqların, faciğäle häm danlı säxifälären tulıraq añlarğa yärdäm itä.

M. B.:

— Tağın nindi äsärlärgä häm xezmätlärgä tuqtalır idegez?

F. Z.: — Alarnıñ härberse ayırım tuqtaluğa layıq, älbättä. Ämma, uquçı öçen qızığı qalmas dip, ikesen genä atap ütäm: Abdulla Alışnıñ «Yaqtı kül buyı» isemle poveste häm arabızda yäşägän frontovik-ädip Loqman Badikşannıñ «Dulqınnar haman şawlıy» digän xikäyäse. M.B:Ä xäzer «Mäğärif» jurnalına küzätü yasıybız. Jurnal turında sezgä, xörmätle radio tıñlawçılar,jurnalnıñ bülek redaktorı Sania Äxmätcanova söylär. Räxim itegez, Sania xanım:

«Mäğärif» jurnalınıñ 4 nçe sanına küzätü

Sania Äxmätcanova: «Mäğärif» jurnalınıñ 4 nçe sanı, ğädättägeçä mäktäp citäkçelärenä, uqıtuçı-tärbiäçelärgä, ata-analarğa häm uquçılarğa kiräkle, könüzäk mäs’älälärne yaqtırtuçı materiallar täqdim itä.Jurnalnıñ berençe tışlığın Çüpräle rayonı Zur Çınlı urta mäktäbeneñ başlanğıç klasslar möğallime, Tatarstannıñ atqazanğan uqıtuçısı Baris Sabircanovnıñ uquçıları belän töşkän räseme bizi. 1963 yıldan birle möğallimlek itep, inde 400 läp uquçınıñ berençe uqıtuçısı bulğan Sabircanov Baris Räximcan ulınıñ pedagogik eş täcribäse belän «Başlanğıç klasslar» bülegendä tanışırğa mömkin.«Qazan şähäreneñ yıl uqıtuçısı» bäygese daimi ütkärelä. Şähär bäygesendä prizlı urın alğan 7 uqıtuçınıñ iseme bilgele inde. . Şähärebezneñ «İñ yaxşı tatar tele häm ädäbiäte uqıtuçısı», «İñ yaxşı rus tele häm ädäbiätı uqıtuçısı», «İñ yaxşı fän uqıtuçısı» isemen yawlağan möğallimnär turındağı fotoreportaj belän 2 nçe tışlıqtan tanışırğa mömkin.Jurnal TR Prezidentı Mintimer Şäymievnıñ maxsus däwlät stipendiäse alıp uquçı yäşlär belän oçraşuda yasağan çığışı belän başlanıp kitä.4 nçe sannıñ töp teması — çığarılış imtixannarı. 2003/2004 uqu yılına IX, XI sıynıflarda tatar tele häm ädäbiätınnan, rus tele häm ädäbiätınnan çığarılış imtixannarı ütkärü turında Mäğärif ministrlığı materialları, tatar tele häm ädäbiätınnan urta mäktäp kursı öçen soçinenie komplektları, rus ädäbiätınnan soçinenie yazarğa äzerlänü öçen temalar isemlege, XI sıynıfta matematikadan imtixan turında yuğarı kategoriäle uqıtuçı Şawra Räxmätullina mäqäläse şundıylardan.Mäktäp citäkçelären: uqu yılı näticälären analizlaw, mäğärif uçrejdenielären attestatsiäläw, berdäm däwlät imtixannarına äzerlek eşe barışı turındağı mäqälälär qızıqsındırmıy qalmas.Mäktäp programmaların, däresleklärne zaman taläplärennän çığıp üzgärtep yazu zarurlığı — belem sıyfatın yaxşırtunıñ da töp alşartı. KDU professorı Daniä Zahidullinanıñ «Tuğan tel häm ädäbiät» bülegendä «Däresleklär turında söyläşäbez» rubrikası qısalarında urın alğan mäqäläse, Mäğärif ministrlığınıñ bülek citäkçese Änisä Morozova çığışı älege möhim mäsäläne çağıldıra.Fän uqıtuçıları, tärbiäçelär, klass citäkçeläre kötep ala torğan däres, klasstan tış çara, äñgämä ürnäkläre «Mäğärif» jurnalınıñ älege aprel' sanında da distädän artıq. Alar «Russkoe slovo», «Ğilem dönyasında», «Başlanğıç mäktäp», «Klasstan tış eşlär» büleklärendä urın alğan. İqtisad beleme nigezlären öyrängändä, yäşlärdä aralaşu ostalığı tärbiäläw yünäleşendäge äñgämä ürnäge, geografiädän breyn-ring, TUBKİ metodistı Nailä Ğälievanıñ ximiäne profil'le uqıtuğa äzerlek konsepsiäsen taswirlawçı mäqäläse, Baltaç rayonı Nönägär urta mäktäbe uqıtuçısı Gölsimä Äxmätcanovanıñ «Yawlıqlarda xalıq tarixı» isemle klasstan tış çara ürnäge zamança uqıtu texnologiälären faydalanıp belem häm tärbiä birüne çağıldıra.«Sorağız — cawap biräbez», «Bezneñ kalendar'», «Sezgä kiräkle kitaplar» rubrikaları jurnal uquçıların mäğärif ölkäsendäge yañalıqlar, istälekle datalar belän tanıştıra.Jurnalnıñ bu sanında da balalarıbıznı narkomaniä afätennän saqlaw, alarnı saw-sälamät itep üsterü häm tärbiäläw mäs’älälärenä dä zur urın birelä. Anda şulay uq: Qazannıñ 1000 yıllığına, Qazan däwlät universitetınıñ 200 yıllığına äzerlekkä qağılışlı yazmalar belän dä tanışırğa mömkin.Aylıq ictimaği-pedagogik häm fänni-ädäbi ğömumtatar «Mäğärif» jurnalına yazığız häm yazılığız. M.B. Şuşınıñ belän şimbä matbuğat küzätüen tämamlıybız.Tapşıruda,sez «Miras» jurnalınıñ Böyek Watan suğışında batırlarça häläk bulğan qaharman millättäşlärebezneñ yaqtı istälegenä bağışlanğan maxsus 5 sanı turında Firdäwes Zarifnı häm «Mäğärif» jurnalınıñ 4саны turında Sania Äxmätcanovanı tıñladığız. Tapşırunı alıp bardı Mälikä Basıyr, Qazan.

XS
SM
MD
LG