Accessibility links

җомга, 9 декабрь 2016, Казан вакыты 06:57

Britaniä xökümäte ğıraqlı totqınnarnı cäberläw cäncalın tikşerä


AQŞ xökümäte , xärbiläreneñ ğıraqlı totqınnarnı cäberläwe turında kisken tänqitkä duçar bulğanda, anıñ koalitsiädäge töp partnörı Britaniä dä näk şul eş säbäple tänqitlänä.Britaniä saqlanu ministırı kiçä xökümät bu mäsälägä soña qalıp häm sülpän genä cawap qaytardı digän ğäyepläwlärne kire qağırğa tırıştı.

Xoquq yaqlaw oyışması Amnesty İnternationalnıñ Britan xärbiläre , soldatlarnıñ ğıraqlı sivillärne üterü mäsäläsen tikşermäde dip yazılğan xisabı Britaniädä qızğan cancalğa may östäde. Amnestynıñ süzçese Lesley Warner (audio) Bez britaniäneñ üterülärne cünläp tikşermäwe häm ğıraq xalqınıñ ışınıçın yuğalta baruıbızğa borçılabız. tikşerenü ütkärelmägän, açıqlıq bulmağan häm xalıqnıñ niçek kompensatsiälänäçäge bilgele bulmağan öçen ışınıçnı yuğaltabız. Amnestynıñ xisabında britan xärbiläre üzlärenä qurqınıç bulmağan xäldä sivillärgä ut açtı, 8yäşlek qız bala häläk buluçılar arasında dip äytelgän. Kiçä saqlanu ministırı Hoon parlamenttağı çığışında xärbilärneñ qayber totqınnarnı ezärlekläwen iqrar itte häm Xalıqara Qızıl Xaç Oyışmasınıñ bu turıdağı xisabınnan soñ andıy eşlär tuqtatıldı häm äle tikşerelä dip söyläde .Hoon süzlärençä(audio) Min Britan xökümäte ismennän ezärleklängän ğıraqlılardan ğafu ütenäm. Ämma ministır ber niçä keşeneñ röxsät itelmägän aksiäse säbäple wazıyfasın bik yaxşı ütägän meñnnärçä britan soldatı pıçratılmasqa tieş dide.Qızıl xaç oyışması ütkän yılnıñ mart belän noyäber ayları arasındağı küzätüläre turındağı xisabın fevraldä koalitsiä köçläre komandirlarına tapşırğan. Ämma xisap, Hoon , Blair yäki kabinetnıñ başqa äğzalarına cibärelmägän. Xisapta başlıça amerikan xärbiläre ğäyeplänsä dä Britaniä soldatlarına da 3 ğäyeb belderelä.. Hoon Xalıqara Qızıl Xaç oyışması ğomumän alğanda bezneñ totqınnarğa kürsätkän mönäsbät häm şartlar belän qänäğät, bez alar belän eşlärgä däwam itäçäkbez, ägär dä oyışma xisabın iğlan itergä qarar birsä , bez qarşı tügel dide . Ämma opozitsiä xökümät Qızıl Xaç Oyışmasınıñ ğäyepläwläre belän elegeräk eş itergä tieş ide dip höcüm itte. Hoon kiçä xärbi komandirlar xisapta äytelgän köç qullanunı üzläre tuqtatırğa tırıştı häm dokumentnı miña yäki premyergä cibärüne kiräk tapmadı dip belderde. T.Blair xisabnı ütkän atnada ğına kürgän kiçäge mätbuğat oçraşuında ul(audio) böten britan xärbiläre andıy ğämällär qıla dip äytü ğädel tügel.Qızıl Xaç Oyışmasınıñ xisabınnnan añlaumça bu ayrım keşelärneñ ğämälläre häm bez bu eşne tikşeräbez dip äytte. Opozitsiädäge konservativ partiäneñ äğzası Nicholas Soames(audio) Koalitsiä köçläre Ğıraqta demokratiä, totrıqlılıq häm ireklek urnaştırırğa tırışa ikän, xaos xökem sörgän naçar planlaştırılğan post konflikt möhittä qanun wä tärtib berençe urında torırğa tieş. dide. May başlarında britan mätbuğatında basılıp çıqqan räsemnär döresme tügelme digän mäsälädä äle dä söyläşülär bara. ämma The Telegraph basması ölkän moxarrire Fenton (audio) bez dönya mätbuğatın küzdän kiçerdek , dönyanıñ zur öleşendä räsemnärneñ çınlığı, yalğanlığı kemne dä qızıqsındırmıy . Çınbarlıq şul ki zian yasaldı dip belderde. Zian T.Blairğa da tide. Sonğı fiker beleşügä qarağanda anıñ leyboristlar xökümäte 17yılğı in tübän reitingnı alıp konservativlardan da 4 % artaraq tora.

färidä xämit,praga
XS
SM
MD
LG