Accessibility links

дүшәмбе, 5 декабрь 2016, Казан вакыты 19:37

Koalitsiä ğäskärläre belän şığilar arasında qarşılıq däwam itä


Ğiraqnıñ Kerbala şähärendä Amerika ğäskärläre belän Moqtad as-Sadr citäkçelegendäge şığilar törkeme arasında qatı suğış bara. Amerika xärbiläre tanklar häm boralaqlar belän höcüm itä. Bügen şığilarnıñ 25 keşese üterelgän. Şığilar citäkçese Moqtad as-Sadr üzeneñ qorallı köçlären taratudan baş tarttı. Ul anı barı tik dini xakimiät färmänı belän genä başqaraçaq dip belderde. Häm ul, ğazaplı ülemgä duçar bulsa da, koalitsiä köçlärenä qarşı köräşen däwam itäçäk, dide. Şulay dip äytügä qaramastan, bügen Näcaf şähärendä törle şıği törkemnäreneñ wäkilläre cıyılıp, ägär dä Amerika soldatları Näcaftan kitsä, alar da baş kütärüçelärne şähärdän çığaraçaqlar, digän qararğa kilde.

XS
SM
MD
LG