13 may könne Tatarstan prezidentı Mintimer Şäymiev Qazan Kremlendä Mäskäwdä 12 mayda uzğan Rusiä Prezidentı Vladimir Putin häm Rusiä xökümäte räise Mixail Fradkov belän oçraşular näticälärenä bağışlanğan matbuğat oçraşuı ütkärde. Oçraşularda iñ berençe mäs''älä itep Qazannıñ 1000 yıllığına äzerlänü programmasın finanslaw mäs’äläse quyılğan. Rusiä xökümätendäge üzgärtep qorular barışında butalçıqlıq kilep çığu säbäple finanslawda totqarlıqlar bula başlağan. 1000 yıllıqqa äzerlek programmasında Tatarstan citäkçelege Qazan metrosı tözeleşen prioritet itep quya. Tatarstan prezidentı Rusiä citäkçeläre aldına quyğan ikençe möhim mäs''älä-ul neft'' tarmağınıñ kiläçäge. Neft’kä dönya bäyäläre uñğan kilen quyğan qamırday kütärelä, ä Tatarstan xalqı bayımıy. Nigä? Mintimer Şäymiev matbuğat oçraşuında monı federal'' üzäkneñ salım salu säyäsäte belän añlattı. Faydalı qazılmalar tabuğa salım Mäskäw belän Qazan arasında başqaça bülenäçäk. Bıyıl neft'' çığaruğa salınğan salımnıñ respublika byudjetına 15 protsent çaması kersä, kiläse yılğa bu salım küläme 5 protsentqa ğına qaldırılaçaq. Respublikanıñ yuğaltuları 2 milliard 600 million sum täşkil itärgä mömkin. 23 meñ skvajinanıñ 8 rentabelle bulmayaçaq. Neft''çelär eşsez qalırğa mömkin. Mintimer Şäymiev mondıy xälgä citkermäskä wäğdä itte dielä qayber mäğlümat çığanaqlarında. Mäskäw oçraşularında quyılğan öçençe mäs''älä- ul Tatarstan belän Rusiä arasındağı wäkälätlär büleşü turındağı şartnamäne modernizatsiälätü. Mintimer Şäymiev Rusiä Prezidentı Vladimir Putinğa şartnamäneñ yaña tekstın tapşıruı turında äytte. Yaña tekstta Rusiä qanunnarındağı üzgäreşlär häm yañalıqlar isäpkä alınğan. Matbuğat oçraşuında Mintimer Şäymiev İçkeriä prezidentı märxüm Äxmät Kadıyrovnı yaxşı itep iskä aldı. Ul bik qıyu häm aqıllı keşe ide dide Tatarstan prezidentı. Axırda prezident “Yedinaya Rossiä” firqäse küpçelegen täşkil itkän Rusiä Däwlät Duması eşçänlegenä qarata fikeren belderde dielä räsmi xäbärlärdä. Mintimer Şäymievne älege firqäneñ iñ yuğarı şurası räistäşe bularaq partiäçelärneñ qanunnarnı artıq tiz templar belän qabul itüläre borçıy.
Lenin dambasın cir uptı
Matbuğat oçraşuında işetelgän menä şundıy möhim yañalıqlarnı jurnalistlar pänceşämbe könne redaksiälärenä alıp qaytıp citkezä almıy intektelär. Töş aldınnan Qazannıñ iñ möhim transport arteriäse- Lenin dambası yabıldı. Lenin küpereneñ damba belän totaşqan urınında 3 kvadrat metr mäydanda cir ubıldı. Lenin dambasında transport xäräkäte yabılu säbäple Qazannıñ üzägendä barlıq transport tuqtadı.
p>Yulda balalar üläPänceşämbe könne irtän Qazan- Irınbur yulınıñ Laeş rayonı territoriäsennän uzğan öleşendä yul häläkäte buldı. İke ciñel avtomobilneñ mañğayğa-mañay bärelüe arqasında 4 keşe häläk buldı. Şularnıñ ikese 5 häm 8 yäşlek balalar. Respublika Yul iminlege xezmäte bıyılnıñ dürt ayında Tatarstan şähärläre uramnarında häm yullarında baliğ bulmağan yäşlär qatnaşında 141 yul häläkäte buldı dip xäbär itä. Häläkätlärdä 8 bala ülgän, 139 bala törle tän cäräxätläre alğan.
Yunıs Ätnäle.
