14 may könne Ufada Başqortstan Tatar kongressı Başqarma qömitetınıñ çirattağı utırışı bulıp ütte. Anda kön tärtibenä berniçä mäsälä kertelgän bulsa da, iñ töp mäsälälärneñ berse – Başqortstan tatarların sosíal – mädäni üsterüneñ maxsus däwlät programın tikşerü ide. Älege programnı tanılğan professor Cäwdät Ğiläcetdinov citäkçelegendäge tatar ğälimnäre törkeme äzerlägän. Cäwdät äfände şuşı programnıñ ölgese belän tanıştırdı häm biregä kilüçelärdän älege ölgegä östämälär häm täqdimnär kertülären dä soradı. Cäwdät Ğiläcetdinov republíkta «Başqortstan xalıqları» digän däwlät programınıñ qabul itelgänlegen iskä töşerep, anda tatar xalqı turında bik az ğına iskä alınuın tänqit itte. Menä şunı isäpkä alıp, tatar ğälimnäre Başqortstan tatarların üsterüneñ ayırım däwlät programın eşlägän dä inde.
Älege program ölgese buyınça utırışta baytaq qına keşe üz fikere belän urtaqlaştı häm üz östämälären kertte. Professor Ruşan Ğallämov, Ufa Tatar milli – mädäni moxtarít räise Zahir Xäkimov, Başqortstan Tatar telle yazuçılar berlege räise, professor Räif Ämirov, BR Tatar ictimağí üzäge räise Ayrat Ğiniätullin häm başqalar üzläreneñ baytaq qına eşlekle täqdimnäre belän urtaqlaştı. Älege program tämaman eşlänep betkännän soñ, ul Başqortstan citäkçelärenä tapşırılaçaq.
(awdio)
Utırışta şulay uq Başqortstanda tatar telenä däwlät tele statusı birüne taläp itü buyınça eşlärne däwam itü kiräklege xaqında da süzlär buldı. Çığış yasawçılarnıñ fikere urtaq ide: ägär Başqortstan xakímítları tatar telenä däwlät tele statusı birügä qarşı bulsa, bu mäsäläne xäl itü öçen, republíkta referendum ütkärergä kiräk.
(awdio)
Kiläse atnada, 21- 22 may könnärendä Ufada tatar ğälimnäreneñ milli mäsälälärgä bağışlanğan fänni – ğämäli konferensísı bulaçaq. Anda da republík tatarlarınıñ könüzäk mäsäläläre buyınça eşlekle söyläşü kötelä.
Fänis Fätxi, Ufa.
Älege program ölgese buyınça utırışta baytaq qına keşe üz fikere belän urtaqlaştı häm üz östämälären kertte. Professor Ruşan Ğallämov, Ufa Tatar milli – mädäni moxtarít räise Zahir Xäkimov, Başqortstan Tatar telle yazuçılar berlege räise, professor Räif Ämirov, BR Tatar ictimağí üzäge räise Ayrat Ğiniätullin häm başqalar üzläreneñ baytaq qına eşlekle täqdimnäre belän urtaqlaştı. Älege program tämaman eşlänep betkännän soñ, ul Başqortstan citäkçelärenä tapşırılaçaq.
(awdio)
Utırışta şulay uq Başqortstanda tatar telenä däwlät tele statusı birüne taläp itü buyınça eşlärne däwam itü kiräklege xaqında da süzlär buldı. Çığış yasawçılarnıñ fikere urtaq ide: ägär Başqortstan xakímítları tatar telenä däwlät tele statusı birügä qarşı bulsa, bu mäsäläne xäl itü öçen, republíkta referendum ütkärergä kiräk.
(awdio)
Kiläse atnada, 21- 22 may könnärendä Ufada tatar ğälimnäreneñ milli mäsälälärgä bağışlanğan fänni – ğämäli konferensísı bulaçaq. Anda da republík tatarlarınıñ könüzäk mäsäläläre buyınça eşlekle söyläşü kötelä.
Fänis Fätxi, Ufa.
