Accessibility links

якшәмбе, 11 декабрь 2016, Казан вакыты 07:11

SPID - tözätmäslek xata


Kiläse yäkşämbedä bik üzençälekle kön bulıp ütä. Ul bäyräm tügel. Kiresençä bik borçulı kön. Spidtan wafat buluçılarnı iskä alu häm şuşı çirgä duçar bulğannarğa yärdäm itü, tereltü bilgeläw köne. Comğa könne şuşı awıru belän köräş üzäge matbuğat oçraşuı ütkärde. Anı Spid belän awırularınıñ xoquqın saklau bülege citäkçese Yelena Töxvätullina alıp bardı. Oçraşuda şulay uq şähärneñ xoquq saqlaw üzäge räise Lidiä Çuprina, Spid belän köräş alıp baru üzäge tabip urınbasarı Kilina Liliä dä qatnaştı.
Rossiä buyınça Spid awıruı belän bügenge köndä ike yöz meñnän artıq keşe çirli. Tatarstanda - cide meñgä yaqın keşe awırıy, ä Qazanda bu san öç meñgä yaqınlaşa. Spid awıruı belän çirläwçe xatın-qızlar, balalar häm ölkän yäştägelär sanı bügenge köndä bik tiz arta.
Yäkşämbe könne ütüçe çarada älege çirne buldırmawnıñ ähämiäten assızıqladılar.
Matbuğat oçraşuında Spid belän köräşü könenä bağışlanğan çaralar turında da äytelde. Şimbä könne Ciñü parkında xalıqqa älege awıru turında törle kitap, broşyuralar aşa mäğlümatlar citkereläçäk. Ä yäkşämbe könne Fuks uramında Spid awıruınnan ülüçelärgä ağaçlar utırtılu däwam itäçäk.
Bu çirgä barıber iğtibar citep betmi, matbuğat oçraşuına kilgän bik az mäğlümat çaraları da şunı kürsätäder.
Ni qızğanıç, elek Spid awıruı belän nigezdä narkomannar, faxişälär çirläsä, bügen inde bu çirgä törle ğadi keşe, berençe urında sälämät yäşäw räweşen ütämäwçelär duçar bula.
Al'bina Zäynulla, Qazan.

XS
SM
MD
LG