Accessibility links

пәнҗешәмбе, 8 декабрь 2016, Казан вакыты 21:21

Cannes festivalendä Troy suğışı turında film suğışnıñ mäğnäsezlegen kürsätä


Çärşämbedä Fransiäneñ urta diñgez buyında urnaşqan Kann şähärendä 57nçe film festivale açıldı. Festival programmasında Homernıñ "İliad" äsäre nigezendä Hollywoodta töşerelgän "Troy" isemle film da bar. Borıñğı zamannıñ tarixqa kerep qalğan suğışın säxnäläştergän bu film Ğiraqtağı xällär sürätendä belgeçlärdä ayıruça qızıqsınu uyattı.

"28 ğasır elek bulğan dönyanıñ iñ mäşxür suğışın" taswirlarğa alınğan avtorlarğa bügenge Ğiraqtağı xällär ni däräcädä tä''sir itkänder, äytüe qıyın. Ämmä filmnı kürgän belgeçlär anı xättä pasifistik dip atıy, yänäse, suğış turında bulsa da anda suğış aldınğı planda tügel. Bilgele bulğança Homer üzeneñ İliad äsärendä greklar Troyağa 10 yıl buyına bertuqtawsız xöcüm itte dip yazğan. Film suğşınıñ ni barı berniçä köne turında söyli. Älbättä ber film da çığanaq äsärne tulısınça qabatlıy almıy, här rejisser äsärdän närsäneder alıp taşlıy, närsäneder üzennän östi. Troyanı säxnäläştergän çığışı belän alman, Hollywoodnıñ tanılğan rejiserı Wolfgang Peterson da küp närsäne üzgärtkän. Filmda Homer äsärendäge ilahilar da, xättä mäşxür Troya atı da qalmağan. Grek xärbiläre citäkçese Agamemnonnı anıñ tuğrısız xatını tügel, ä Apolonnıñ qahinäse Briseida üterä. Briseida belän Axilles arısında qaynar mäxäbbät uylap çığarılğan. Axilles rolenä Peterson Hollywoodnıñ seks yoldızı Brad Pittnı çaqırğan. "Guardian" gäziteneñ bügenge sanında ul anı niçek sınağanı turında söyli. Min Bradnı aşqa çaqırıp almannarnıñ bik ğadi sınawı aşa ütkärdem. Duñğız botı häm fälän litr sıra. Şunı ütsäñ sinnän şäp Axilles çığa didem, di rejisser. Filmnı kürgän keşelär Pittnıñ uyınawın iskitkeç dip bäyäli. Maqtawğa layıq tağın ber rol, Eric Bana başqaruında, Troya qaharmanı, Hector. Şuşı ike şäxes film buyına iğtibarnı cälep itep tora, qara-qarşı suğışqan köçlär arasında üzenä kürä tigezlek saqlıy. Hector xatının uynağan Britan aktrisası Saffron Burrows, xäcüm itüçe ike grek generalı, Agamemnon häm Menelausnı, George Bush häm Tony Blair belän çağıştıra. Miña bu filmda şul oşadı: anda suğşnıñ, üç alunıñ mäğnäsezlege kürsätelä. Bu mäñgelek problema, bügen dä aktual di ul. Filmğa muzıkanı tanılğan kompozitor James Horner yazğan. Anıñ eşläre arasında ber Titaniknı iskä alu citäder. Troyanı töşerügä 175 million dollar totılğan. Läkin avtorlar bu aqçanıñ kire qaytuına şiklänmi. Kannda nindi uñışqa ireşer, belmim, ämmä bu film 2004tä dönyada iñ küp qaralğan film bulır dip kötelä. Rusiä ekrannarına Troya maynıñ 20senä çığa.

Ali Gilmi, Praga
XS
SM
MD
LG