Bu könnärdä, Mäskäwdä çığuçı «Татарский мир» gäziteneñ baş möxärrire Vadim Çurbanov Qazanğa kilep kitte. Ul Tatarstan xakimiät wäkilläre belän oçraşular uzdırıp, yaña proyektlar turında söyläşkän. Bilgele bulğança, Vadim Çurbanov « Татарский мир » gäzite belän ber rättän, «Tatarika» digän fänni-ictimaği jurnal çığarırğa isäpläp tora. Tatarstan xökümätendäge söyläşülärneñ niçek tämamlanuı bezgä mäğlüm tügel, ä menä « Татарский мир » gäziteneñ finans xäle ciñel tügel, digän xäbär bar. Xezmätkärgä eş xaqın tülämäw inde 4nçe ay däwam itä, dip belderde bezneñ çığanaqlar.
Bikä Timerova.