Dönya Ekonomik Forumınıñ Yordaniä-Shunehtä barğan 3 könlek ikençe cıyını bügen tämamlandı.Dönyanıñ törle cirennän kilgän
meñnän artıq ölkän däräcädäge räsmi,iqtisadçı häm zialılar qatnaşqan konferensiädä AQŞ däwlät sekretarı C.Powell ğäräb dönyasında Amerikağa qarata ışınıçnı arttıru öçen tırıştı. Ul xätta ğıraqlı totqınnarnıñ AQŞ xärbi saqçıları tarafınnan ezärleklänüe öçen ğafu da ütende.Kiçäge çığışında däwlät sekretarı ğäräb citäkçelären dönyanıñ aldınğı illäre belän bergäläp eşläp, üz illärendä reformalar ütkärergä çaqırdı. Powell AQŞ belän Yordaniäneñ ekonomik reformalar ölkäsendä xezmättäşlek itüe, Waşington belän ğäräb dönyası öçen ürnäk bula ala dip äytep bolay dip däwam itte(audio)
Bez yardäm itä alabız. Yardäm birä alabız,bez Yordaniä belän bulğan kebek töbäktäge başqa illär belän dä irekle säwdä kileşülärenä ireşergä telibez.Bezneñ yaqın könçığış partnörlege inisiativası kebek inisiativalar belän yardäm itä alabız.Ämma bez sonğı çiktä reformalarnıñ eçtän bulırğa tieşlegen beläbez. Bez reformalar öçen partnörlıq buldırırğa äzerbez.
Powell andıy mexanizmanı xalıqara oyışmalar eçendä buldıru mömkin dip söyläde. Ämma Ğäräb Ligası citäkçese Amr Musa Powell komentarlarına, Waşington yaqın könçığışta demokratiä urnaştırırğa teli, Waşingtonnıñ ğäräb dönyasın AQŞ mänfäğätlärenä turı kilerlek itep reformalau teläge qabul itelmäslek närsä digän cawap qaytardı, Amr Musa ayruça Waşingtonnıñ''zur yaqın könçığış inisiatiavsı''nıñ detalläre ğäräb citäkçeläre belän kiñäşläşüdän elek xalıqara mätbuğatta basılıp çıqtı dip äytte. Ul reformalar bik yaxşı täqdim, Waşington biräçäk kiñäşlärne dä xuplıybız, Ämma AQŞ alarnı köçläp taqmasqa tieş dip söyläde. Yordaniä tışqı eşlär minsitırı Marwan Moaşer Waşington ğäräb dönyasında moñarçı bulmağan däräcädä tübän töşkän abruyın kütärü öçen çaralar kürergä tieş dip belderde. Maoşır süzlärençä, Powell İzrael—Fälästin konfliktı häm Ğıraq belän idaräne ğıraqlılarğa tapşıru älege waqıtta in möhim 2mäsälä buluın prezident Bushqa belderergä tieş .
Däwlät sekretarı AQŞnıñ İzrael-fälästin konfliktın çışü öçen tırışlıq alıp baruın İzraelneñ Gazada fälästin yortların cimerü säyäsäten yaqlamauın söyläp , Ğıraqta 30nçe iyündä idaräne ğıraqlılarğa tapşıraraçaqbız dide .Powell süzlärençä(audio)
Bez bu xaqta ilçe l.Braximi belän söyläşülär alıp barabız, protses alğa taba bara, iminlekne kontrol itü zarurlığı belän berrättän här kem 1nçe iyüldä Ğıraq waqıtlı xökümäte P.Bremer citäkçelegendäge waqıtlı koalitsion xakimiätne almaştıraçağın här kem añlarğa tieş.AQŞ häm koalitsion köçlär yaña xökümät belän bergä totrıqlılıq urnaştırıp ğıynuar ayında bulaçaq saylawlarğa äzerlek eşläre alıp baraçaq.
färidä xämit,praga
färidä xämit,praga