Accessibility links

сишәмбе, 6 декабрь 2016, Казан вакыты 15:09

Sember başlığı Şamanov xakimiättä üzgäreşlär wäğdä itsä dä, ällä ni üzgäreş bulmadı


Sember ölkäse başlığı Vladimir Şamanov, ölkä xakimiätendä eşläwçe barlıq türälärne otstavkağa ozatıp, iyün başına qädär yaña urınbasarları isemlegen xalıqqa citkerergä wäğdä dä itkän ide.Wäğdäsen ütäde, läkin kötelgän üzgäreşlär bulmadı: barı tik iqtisat häm awıl xucalığı buyınça urınbasarları urınına alarnıñ urınbasarları bilgelände. Vladimir Şamanov bu çaranı elektoratnı yoqıdan uyatu maqsatı belän genä eşlägänen belderde. Çönki ike märtäbä saylawlarda “barısına da qarşılar firqäse”neñ ciñep çığuı ölkäneñ abruyın töşergän. Ämma säyäsi küzätüçelär fikerençä, kitärgä tieş türälär urınına kilergä teläweçlär bulmaw ğına gubernatornı şunıñ belän çiklänergä mäcbür itkän.Semberdä uzğan balalar icatı bäyräme elekke yıllarğa qarağanda bıyıl tıynağraq uzdı. Bäyrämneñ umırtqa söyage rolen saf tatar rayonı İske Qulatqı balaları uynadı. Festival'ne şulay uq danlıqlı ike kollektiv bizäde: Yaña Malıqlı rayonı Urta İsäntimer awılınıñ canı bulğan “Aygöl” ansamble häm Dimitrowgrad (Mäläkäs) şähäreneñ Balalar icatı yortında fidaqar zat Fäniä Xäliullowa citäkçelegendäge “Qarlığaç” ansamble.

Tağın biş awıl balaları festval'dä üz sälätlärene kürsättelär. Läkin küpçelek awıllar balaları qatnaşmadı. Monı yul çığımnarı bik zur bulu belän añlattılar. Läkin eş yul çığımnarında ğına tügelder, küräseñ. Mäsälän, ölkä üzägennän ber genä yäş cırçı qatnaşuın alay añlatıp bulmıy inde. Eş Milli kul'turalarnı üsterü üzäge dip atalğan oyışmada ike keşedän genä torğan Tatar Mädäni üzägeneñ direktorı urının biläwçe Gölsinä Gerasimowanıñ üz wazifalarına üzençälekle mönäsäbätendäder. Elekke yıllarda, andıy “Üzäk” bulmağanda, ölkä üzägeneñ tatar sıynıfları bulğan mäktäplärdä saylap alu turları da oyıştırıla ide. Bıyıl andıy närsä belän mäşäqätlänüne artıq eş dip sanağannar, küräseñ.

“Azatlıq” radiosı, Ayrat İbrahim, Sember.

XS
SM
MD
LG