Accessibility links

дүшәмбе, 5 декабрь 2016, Казан вакыты 23:52

Media-Forumda tatar internetçıları da qatnaştı


Tatarstanda bara torğan Media-Forum qısalarında,Tatar Kongressı binasına, tatar internetçılarınıñ cıyılışı uzdı. Global çeltärneñ tatar öleşe könnän kön kiñäyä. Äle küptän tügel genä İnternetta yaña tatar saytları açıldı. Mäsälän cıyılış qısalarında www.bulmas.ru digän küñel açu saytı täqdim itelde. Anı «Mäğärif» jurnalınıñ elektron säxifäsen

yasağan Ruzil Möxetdinov isemle entuziast yeget eşlägän. Finländiädäge cır festivalen oyıştırğan Denis Bädrettdinnıñ www.denizzone.com digän saytı barlığı da, küplär öçen, yañalıq buldı.



Cıyılışqa kilgän qayber tatar saytları xucaları moña qädär virtual tormışta ğına oçraşqan bulsalar, xäzer alar qara-qarşı utırıp söyläşä aldı. Yäş idäräçelär yaña açılğan saytları xaqında söyläşte, texnik qıyınlıqlar xaqında fiker alıştı, xätta urtaq proyektlar turında kileşte. Bu söyläşülär tänäfestä alıp barılsa, cıyılışınıñ räsmi öleşendä xalıqara «Tatar internetı» oyışmasınıñ idäräsen saylaw mäs’äläse qaraldı. Räsmi töstä terkälergäme, idärägä kemnäre saylaw tiräsendä äz genä bäxäs dä bulıp aldı. Urtaq fikergä kilä almıyça, tatnetçılar anı virtual tormışqa küçerep, bu mäs’äläne anda söyläşep beterergä kileşte.

Bögelmägän kilgän Färit Şäfiğullin, Media-forumnıñ eş tärtiben kürgäç, internetçılar cıyılışına barırğa täwäkkällägän. Çönki ul möxärrirlek itä torğan «Bögelmä awazı» gäzite häm anıñ uquçıları tatar internetınnan çittä qalırğa telämi. İnternetçılar belän tügäräk östäldä ul urtaq kodlar, şriftlar qullanırğa täqdim itmäkçe. Färit äfände Şäfiğullin başqaladan yıraq torsa da, Tatarstan, dönya xälläre belän daimi tanışıp barırğa teli, şuña ul tatar internetınıñ üseşenä zur ömetläp bağlap tora. İnde ikençe yıl ütkärelä torğan «Tatnet yoldızları» bäygese çeltärdä tatar öleşen arttıru öçen oyıştıra da inde. Älege cıyılışta şuşı bäygene ütkärü tärtibe, yarışnıñ törläre xaqında da qızu töstä fiker alışu buldı.

«Tatnet yoldızları» bäygesen oyıştıruçılarnıñ berse,–Mäskäwdäge millättäşebez Aynur Sibğätullin yarışqa äzerlek çarları xaqında da mäğlümat birde. Anıñ äytüençä, 12 keşedän torğan bäysez juri tözelgän. Bıltırğı citeşsezleklär iskä alınıp, 2004 yıl qatnaşuçılarına taläplär yuğarıraq quyılğan.

Bikä Timerova.

XS
SM
MD
LG