Accessibility links

шимбә, 10 декабрь 2016, Казан вакыты 02:14

Qırım häm Qazan tatarların milli faciğa berläşterä


60 yıl elek sörelgän qırım tatarlarınıñ yarası bügenge köndä dä onıtılmıy. Şuşı köngä bağışlanğan berniçä çara Qazanda da oyıştırıldı. Sişämbe irtäsendä İrek mäydanında qırım tatarlarınıñ faciğasın yaqtırtqan piket uzdı. Anda Sovetlar Soyuzı häm qırım tatarlarınıñ bayraqları kürenä ide, Transparantlarda menä şundıy şiğarlär yazılğan ide - Rusiä qırım tatarları aldında qayçan täwbä itär? Eş xaqları kütärelmäsen, şulay uq toraq kommunal' reformasına bäyle, sotsial' eçtälekle çaqırular, taläplär yañğıradı. Rusiäneñ milli säyäsäten niçek bäyäläw probleması äle dä kön tärtibendä bulıp çıqtı. Qazannıñ tatar gumanitar institutında köndezge säğat' berdä qırım tatarlarınıñ deportatsiä könen iskä alu cıyını buldı. Çarada institutnıñ prorektorı Al'bert Borhanov, cırçı, milli pärvär Gölzadä Safiullina, yazuçı Rabit Batutlla, Ğalimcan İbrahimov isemendäge tatar gimnaziäseneñ tarix uqıtuçısı Midxät İjbulatov qatnaştı. Älege qunaqlar gumanitar institut studentlarına qırım tatarlarınıñ tarixında bulğan faciğasın söylädelär.
1944nce yılnıñ 18nce mayında Stalin qararı buyınça, qırım tatarların tuğan ilgä xıyänät itüdä ğayepläp, Urta Aziä, Seber häm Ural yaqlarına sörälär. Sörgengä cibärelgän 200meñ qırım tatarları arasınnan xätta bügenge köndä dä tuğan cirgä qayta almauçılar bar. Alarnıñ niqädär mädäni belemnäre bulsa da, küplär zavod eşçeläre bulıp eşlägän. Şağirlär, muzıkantlar, ğalimnär üz hönärennän çitläşterelgän. Ä küplär, bik küplär Qazaxstan dalalarında, Seberdä, çit cirlärdä wafat bulğan.
Kiçädä Gölzadä Safiullina Qırım tatarlarınıñ cırların başqardı. Soñğı yıllarda Qırım tatarları Qazan tatarları belän yışraq oçraşa, urtaq çaralar ütkärä başladı. Bıyıl Qazanda ütkän KVN yarışına Simferopol' industrial' institutı komandası da kilgän ide. Yıllar ütkäç, barıber qırım tatarları tuğan cirlärenä qayta. Barıber üz yullarınnan bara. Başqalar öçen ürnäk kürsätep, köräşep kilä. Qazanda ütkän çaranıñ töp teması şul buldı.
Al'bina Zäynulla, Qazan.

XS
SM
MD
LG