Kiçä minalanğan maşína şartlawınnan İzzeddin Sälimnän başqa tağı 6 keşe hälaq bulğan ide. Bu çarada amerík britan waqıtlı administrasísı başlığı Pol Brimer da
qatnaştı.Ğíraq möselman şığílar yuğarı din ähele ayatolla Ali as Sistani bügen tağın, Näcäf häm Qarbala şähärlärendä suğışnı tuqtatırğa digän çaqıru belän çıqtı.Möselmannarnıñ izge urınnarı bulğan bu şähärlärdä uzğan atnadan birle, Moqtada as Sadr citäkçelegendäge şığílar belän koalísí köçläre arasında suğış tınıp tormí.As Sadr tarafdarları barlıq ğíraq şığíların Näcäf belän Qarbala şähärlären saqlaw öçen kütärelergä çaqırdı.
