Accessibility links

якшәмбе, 4 декабрь 2016, Казан вакыты 17:21

Zahir Xakimov belän Qızıl Tañ arasında bäxäs däwam itä


Ufa tatarları milli-mädäni möxtäriäte räise Zahir Xäkimov äxlaqıy zıyan öçen “Qızıl tañ“ gäziten mäxkämägä birgän ide. Başqalanıñ Sowet rayonı mäxkämäse Zahir faydasına gäzittän 5 meñ sum külämendä aqça tülätergä häm aqlağan yazma birergä digän qarar çığarğan ide. Läkin här ike yaq ta monıñ belän kileşmi Yuğarı mäxkämägä birde häm ul 18nçe may qaraldı. Zahir Xäkimov häm Qızıl Tañ'nıñ baş möxarrire urınbasarı Fänis Gäräyev fikerlären Azatlıqnıñ çärşämbe tapşıruında tıñlağız. Uzğan atna Başqortstanda Rusiä tarixında iñ zur külämdä narqotiklar belän qulğa alu oçrağı bulğan ide.Samara—Ufa—Çiläbe yulınıñ Tuymazı şähärenä yaqın öleşendä ber “Kamaz“ maşinası awğan ide.Annan urmanğa kertep yäşerelgän 3.5 million amerikä dolları külämendä narqotiklar tabılğan ide.İnde yök artınnan kilgän ikençe maşina da qulğa alınğan.Qulğa alınuçılarnıñ barısı da Tacikstan grajdannnarı.Narqotiklar Samara şähärendä yäşäwçe tacik diasporasına täğayınlängän buluı da açıqlanğan.Bu Urta Aziädän Rusiägä narqotik taşunıñ töp yulı bulğan dilär. 5nçe aprel Kaliningrad ölkäseneñ Baltiskiy şähärendäge “Bespoqoynıy“ esminetsında çığışı belän Başqortstannan bulğan 27 yäşlek Pawel Mardän üterelgän ide.Anıñ gäwdäse haman da bulsa tuğan yağına qaytarılmağan.Märxümneñ änise Tamara Mardän Baltıyq flotı başlığı urınbasarına şaltıratıp, Qızıl mäydanda qarşılıq aqsiäse ütkärü belän qurqıtqaç ,mäyetne qaytaru mäsäläse xäl itelgän.Läkin üterelü säbäpläre açıqlanmağan.Qayber mäğlümatlar anda bik zur keşelärneñ balaları qatnaşqan dip isäpli.Alar arasında Baltıyq xärbi-diñgez bazası ştabı başlığı qontr-admiralnıñ ulı Yüriy Qonışev ta bar dip ireşterä.Älege faciğa säbäplären tikşerüdä yärdäm sorap respublik Prezidentı Mortaza Räximov Baltıyq flotı başlığı witse-admiral Vladimir Waluyıvqa xat belän möräcägät itte.

XS
SM
MD
LG