Şwitsariäneñ "Skyguide" hawa dispetçerları şirkäte, Germaniä kügendä bulğan oçqıç qazası öçen cawaplılıqnı tulısı belän üz östenä aluın xäbär itep, hälaq bulğannarnıñ ğäilälärennän ğafu ütende. Bügen şulay uq , Şwitsariä prezidentı, Rusiä prezidentı Vladimir Putin isemenä şul qaza öçen ğafu ütenep, xat yullağan. 2002 yılnıñ 2 yül tönendä 11 meñ çaqırım bieklektä, Germaniäneñ Boden küle östendä Başqortostan hawa yulları oçqıçı Tu-154 belän, yök oçqıçı Boing 757 bäreleşkän ide. Başqortostan oçqıçında İspaniägä yalğa baruçı balalar bulğan. Bu faciğada 71 keşe hälaq buldı.
