Accessibility links

пәнҗешәмбе, 8 декабрь 2016, Казан вакыты 09:03

BMOİminlek Şurası İzraelne Gazadağı operatsiälären tuqtatırğa çaqıra


BMOsı İminlek Şurası İzraelneñ Gazada fälästin sivillären üterü häm fälästin yortların cimerü ğämällären xökem itkän rezolutsiäne nulğa qarşı 14 tawış belän qabul itte. AQŞnıñ tawış birüdän totılıp qalğan rezolutsiä, İzraelne xalıqara qanunğa esasän sivil xalıqnı saqlau cawaplılığın ütärgä çaqıra.

İzraelne tänqitlägän rezolutsiälärgä veto salıp kilgän Quşma Ştatlarınıñ kiçä tawış birüdän totılıp qaluı, Waşingtonnıñ Gazadağı xällärgä borçıluın çağıldıra. AQŞnıñ BMOdağı ilçeseneñ urınbasarı James Cunningham Amerika izraelneñ üzen yaqlaw xoquqın qabul itä ämma älege ğämällär çamadan tış dip äytep (audio) Bez İzraelneñ Gazada sonğı ber niçä köndäge operatsiäläre tınıçılq wä iminlekkä öleş kertä dip qaramıybız. Alar humanitar wazğiätne naçarlattı İzrael köçläre belän fälästinnär arasında konfrontatsiägä säbäp buldı ,İzraelneñ iminlegen arttırmadı dip ışanabız dip söyläde. Cunnigham süzlärenä däwam itep, İzraelne totnaqlıq kürsätergä çaqırdı häm Waşington İzrael, Fälästin häm Misır räsmiläre belän Gazadağı qoral kontrabandası turında tizlektä söyläşüne planlaştıra dide.İzrael Gazada Misır çigenä yaqın urnaşqan Rafah moxacirlär lagerına basıp kerüen zur qoral konrabandasına qarşı suğış dip añlata.Xabärlärgä qarağanda İzrael köçläre bügen Gaza Sızığında 5 keşene ütergän.Kiçä Gazada barğan demonstratsiä waqıtında boralaq häm tankadan açılğan ut näticäsendä 10keşe şulsanda bala häm yäşüsmerlär häläk bulğan.. İzrael kiçä demonstrantlarnıñ üterelüenä qızğanıç beldersä dä höcüm terrorçılarnıñ qoral kontrabandasın tuqtatu öçen alıp barılğanlıqtan ,aqlana dip äytte.İzraelneñ BMOdağı ilçese Dan Gillerman rezolutsiä tınıçlıqqa xezmät itmi, çönki ul fälästin citäkçelegeneñ terrornı yaqlawına iqtibar itmi dip äytte. Gillerman (audio) İzrael bügen Gaza Sızığında cähännem qapqası aldında tora. Rafah fälästin xakimiätenä yäşren qoral kertüneñ qapqası, qoral häm amunitsiäne Gazağa kiterü öçen töp ütkärgeç bulıp tora dip belderde. Gillerman äytüenä qarağanda İzrael köçläre aprel ayınnan birle Rafah yaqınında 8 ä 2000nçe yılnıñ sintäberennän birle 90 yäşren tünel tapqan. Ul bu tünellärne İran tarafınnan yaqlağan Xızbulla häm fälästin oyışması Xämäs Misırdan yäşren yullar belän qoral kiterü öçen qullana dide. Misırnıñ BMOdağı wäkile Axmäd Abul Gheit jurnalistlarğa: İran ,Mısır territoriäsen qullana digän ğäyepläwlärgä kem ışana mikän. Bu safsata, tulsınça kire qağam dide. Fälästinnärneñ BMOdağı wäkile Nasser al_Kidwa İzraelneñ Rafahtağı aksiäläre Gaza Sızığın häm anda yäşäwçe 1million 300meñ keşene dänyadan izolatsiäläw mäqsatın quya dip äytep (audio) Bu terror, bu däwlät terrorı.Bu suğış cinayätläre häm ğäyeplelär xalıqara qanunğa esasän cawapqa tartılırğa tieş dide AQŞ däwlät sekretarı C.Powell (audio) minemçä İzrael köçläreneñ sonğı köndä Gazada alıp barğan eşçänlege wazğiätne naçarlandırdı ,bezneñ tınıçlıq protsesına qaytuıbıznı qıyınlaştırdı dip uylıym dip äytte BMO süzçese Fred Eckhard oyışmanıñ törle agentlıqları birgän mäğlümätkä qarağanda İzraelneñ alıp barğan operatsiälär säbäple maynıñ berençe yartısında 2,200fälästinle öysez qalğan.

färidä xämit,praga
XS
SM
MD
LG