Accessibility links

дүшәмбе, 5 декабрь 2016, Казан вакыты 05:41

Tatarstanda Sabantuyğa äzerlänälär


Qazanda Slavyan yazuı häm mädäniäte könenä äzerlänälär. 23 mayda respublikanıñ Layış rayonı Russkoe Nikol’skoe awılında Karavon dip isemlängän rus fol’klor bäyräme ütäçäk. Şuşı uñaydan inde tatarstan prezidentı Mintimer Şäymievnıñ qotlawı da dönya kürde. 21 may könne respublikanıñ Milli arxivında da üzençälekle kürgäzmä açıldı. Bu kürgäzmä slavyan mädäniäten häm tarixın yaqtırta. Ul da Slavyan yazuı häm mädäniäte könenä bağışlana. Kürgäzmäneñ eksponatları arasında XVI ğasırnıñ dini kitapları, rus patşası Yawız İvan tarafınnan cibärelgän gramotalar da bar. Şuşı könnärdä genä tatar xalqınıñ iñ bilgele milli bäyräme – Sabantuylarnıñ qayçan ütüe bilgelände. Sabantuylar respublikanıñ awıl-rayoannarında 5-6 iyün könnärendä uzaçaq. 12 iyündä älege bäyräm Tübän Kama häm Älmät şähärlärendä, ä 13 könne - Yar Çallıda ütäçäk. 19 iyündä isä Sabantuy başqalabız Qazanda görliäçäk.

Gölnaz İlgizär

XS
SM
MD
LG