Rusiäneñ Xisap palatası tikşerüçese Sergey Ryabuxin Çukotka autonomiäle okruğın bankrot dip iğlan itte. Mäskäwdä ütkän matbuğat oçraşuında ul, Çukotkanıñ däwlätkä burıçı töbäkneñ keremenä qarağanda ike märtäbä artığraq dip belderde. Ryabuxin sülärenä qarağanda, Çukotka xäkimiäte 2003 yılda milliard yarım rubllek finans bozular yasağan. Tikşerülär näticäse xökümätkä häm General prokuraturağa citkereläçäk dide Ryabuxin. Ul, şulay uq, yaqın aralarda Xisap palatası Pskov häm Tver ölkälärenä plannan tış tikşerülär ütkäräçäk dip xäbär itte.
