Accessibility links

якшәмбе, 4 декабрь 2016, Казан вакыты 21:35

Pxenyan distälärçä yıl elek urlap alıp kitelgän yapon watandaşlarınıñ 8 tuğanın Yaponiägä qaytarırğa rizalaştı


Pxenyan distälärçä yıl elek köç belän Tönyaq Koreağa alıp kitelgän 2 yıl elek qayberläre, Yaponiägä qaytarılğan yapon watandaşlarınıñ 8 tuğanın da Yaponiägä qaytarırğa tizalaştı. Alarnıñ 5-se inde Yaponiägä qaytıp citte. Bu turıda bügen Pxenyanda Yaponiä premyer ministrı Yunişiro Koizumi belän Tönyaq Korea citäkçese Kim Joñ il arasındağı oçraşudan soñ kileşende. Tönyaq Korea bu yaponnarnı Yapon telen häm mädäniäten öyränü öçen 1970-nçe, 80-nçe yıllarda urlap alıp kitkän. 5-äw azat itelsä dä, 3 yapon, elekke AQŞ soldatı Charles Robert Jenkins häm anıñ ike balası älegä Tönyaq Koreada qaldı. Kuizumi Jenkins belän oşrauşı turında belderä. Jenkins 1965-nçe yılda Könyaq Korea yağında çik saqlağanda Tönyaq Koreağa qaçqan dip şiklänelä. Koizumi äytüençä, Jenkins AQŞ xärbiläre anı dezertirlıq öçen xökem itär dip qurqıp Yaponiägä qaytudan baş tarta. Ämma ul üz ğailäse belän öçençe ber ildä, bälkem Qıtayda oçraşu telägen beldergän. Koizumi Pxenyanda bolay dide:

AUDİO: Urlanuçılar mäs''äläsenä kilgändä, Hasuike ğailäsennän häm Çimura ğailäsennän barlığı 5 keşe bügen oçqıçta minem belän Yaponiägä qayta. Hitomi Soganıñ ire Jenkinsqa kilgändä, bez bu turıda Kim Joñ-il belän söyläştek, ul qarar qabul itüne Jenkinsnıñ üzenä qaldıruın belderde.

Yaponiä belderüençä, çirek ğasır elek tuğan şähärlärennän 15-läp keşe urlanıp şpionnar äzerläw öçen Tönyaq Koreağa alıp kitelgän bulğan. 2 yıl elek Tönyaq Korea 13 yapon watandaşın urlawın tanıdı, ämma alarnıñ 8-e inde ülde dide. Qalğan 5-e ul çaqta Yaponiädä qaytarıldı. Ämma alar Tönyaq Koreada tuğan balaların anda qaldırırğa mäcbür buldı. Urlanğan yaponnar mäs''äläse Yaponiädä tirän borçulı mäs''älä bulıp kilä. Bügen Yaponiä Tönyaq Koreağa 250 meñ tonna azıq-tölek, meditsina kiräk yaraqları häm başqa humanitar yardäm tapşırırğa kileşte. Koizumi Kim belän oçraşu waqıtında Tönyaq Koreanı atom qoralları yasawdan tıyılırğa çaqıruı turında äytte. Şulay uq Tönyaq Koreanıñ raketa sınawları ütkärüdän tıyıluın däwam itärgä wäğdä birüe turında xäbär itelä. Naif Aqmal, Praga.
XS
SM
MD
LG