Accessibility links

якшәмбе, 4 декабрь 2016, Казан вакыты 15:14

OPEC neft çığarunı arttıru mäs'äläsen kiläse ayda qarıyaçaq


Neft' eksportlawçı illär oyışması neft' çığarunı küpmegä arttıru turında qarar qabul itüne kiläse ayğa kiçekterde OPEC prezidentı, İndoneziäneñ neft' ministrı Purnomo Yusgiantoro xäbärçelärgä oyışma äğzaları dönyada neft' bäyäläreneñ kütärelüenä nıq borçıla, ämma neft' çığarunı küpmenä arttıru mäs'äläsen Yün başında Beyrüttä ütäçäk oçraşuğa qaldıra dide. Bügen OPEC äğzaları Amsterdamda ğäyre-räsmi oçraşu ütkärde. Dönya bazarlarında ber miçkä neft'neñ bäyäse 40 dollardan yuğarı kütärelgännän soñ OPEC neft' çığarunı arttırsın öçen aña qatı basım yasala. Qıtaydağı üseş säbäple ixtiacnıñ artuı häm Yaqın Könçığışta iminlekkä ışanıç kimüe näticäsendä neft' bäyäläreneñ kütärelde. 11 ilne berläştergän OPEC dönya bazarında satılğan neft'neñ öçtän ber öleşen çığara.

XS
SM
MD
LG