Accessibility links

дүшәмбе, 5 декабрь 2016, Казан вакыты 15:34

AQŞ xärbiläre Ğiraqta äs-Sadr köçlärenä höcümne däwam itä


Ğiraqtağı AQŞ xärbiläre Küfä şähärendä suğışçan şığıy din ähele Moqtada äs-Sadrnıñ kimendä 32 suğışçısın üterdek dip belderä. Küfädağı xastaxanä xezmätkärläre äytüençä 54 keşe yaralanğan. Bügen Küfä yanındağı Näcäf şähärendä dä atışular däwam itte. Andağı xastaxanä xezmätkärläre äytüençä 14 keşe üterelgän häm 37 keşe yaralanğan. Ülüçelärneñ häm yaralanuçılarnıñ kübese tınıç xalıq wäkilläre dip xäbär itelä. AQŞ xärbiläre Mart ayında Fällücä şähärendä 4 amerikalını üterep mäyetlären mısqıllawçılarnı ezläw barışında Ğiraq xakimiätlärenä ezlängän 25 keşeneñ isemnären tapşıruı turında belderde. Bügen AQŞ xärbiläre şulay uq, Äbü Ğraib törmäsendä AQŞ xärbiläre ğiraqlı totqınnarnı azaplağanda general Ricardo Sanchez ta anda bulğan digän belderüne kire qaqtı. Bu turıda Äbü Ğraib törmäsendäge ğämälläre öçen xökem itelergä tieşle soldatlarnıñ berse äytkän ide. Sanchez Ğiraqtağı koalitsiä köçläre başlığı.

XS
SM
MD
LG