Quşma Ştatları düşämbedä İminlek Şurasında Ğıraq turında küptän kötelgän rezolutsiä proyektın täğdim itte. Bu rezolutsiä ölgesendä xakimiätne AQŞ häm Britan okupatsiä idaräsennän waqıtlı Ğıraq xökümätenä tapşıru, AQŞ tarafınnan citäklängän küp millätle xärbi köçlärneñ häm BMOnıñ role kebek mäsälälär tora. Äytep kitkän rezolutsiä ölgesendä tağı Ğıraqnıñ nefttän kergän tabışları , legal-xoquqi mäsälälär .tora Ämma debatlar üzägendä Ğıraq waqıtlı xökümäteneñ xakimiäte, çit il köçläre küpme waqıt Ğıraqta toraçağı kebek sorawlar torır dip kötelä. AQŞnıñ BMOdağı ilçeseneñ urınbasarı James Cunnigham şura äğzaları Ğıraqqa tulı suverenlek birü tarafında dip äytte comğa könne. AQŞ däwlät sekretarınıñ yardämçese Marc Grossman Ğıraq waqıtlı xökümäte çiklängän xakimiätkä genä iä bulırğa tieş dip äytkännän birle bu mäsälä kön qadağında tora . Ğıraq citäkçeläre Grosmman äytkännärenä qarşı çıqtılar, şunnan soñ däwlät sekretarı C.Powell suverenlek tulısınça qaytarılaçaq dip belderde. BMOnıñ Ğıraq öçen bilgelägän mäxsus wäkile Laxdar Brahimi , may azağına qädär waqıtlı xökümätne oyıştırıp beterü belän şögellänä. C.Powell waqıtlı xökümät çit il köçläreneñ çığıp kitüen sorasa alar kitäçäk, ämma alar sorarlar dip kötmim digän ide. Fransiä belän Germaniä yaña rezolutsiädä koalitsiä köçläreneñ Ğıraqtan çığıp kitü köne bilgelänergä tieş dip sorıy.AQŞ häm Britan diplomatları bu mäsälä ber yıldan soñ yañada küzdän kiçerelep qarar birelsen dip söyläsälär dä, rezolutsiä tekstında ğıraqlılar taläp itkän oçraqta çit il köçläre çığıp kitäçäk digän cömlä bulaçaq dip kötelä. AQŞ İminlek Şurasında rezolutsiä ölgesen taratıp debatlar başlanğannan soñ, kiçen (QAzan waqıtı belän äytkändä sişämbe irtän 4tä ) ilbaşı Pennsylvaniädä armiä kollejenda çığış yasıy . G.Bush üz popularlığın şulayuq AQŞ säyäsäten yaqlawnı kimetkän sonğı könnärdä Ğıraqta bulıp alğan waqıyğälärdän iqtibarnı başqa cirgä cälep itergä tırışaçaq. İlbaşı bu çığışı belän 100meñnnän artıq amerikan xärbiä Ğıraqta torsa da okupatsiä beterelä dip ğıraqlılarnı, amerikannnarnı häm dönyanı ışandırırğa tırışaçaq. Abu Ghraib törmäsendä totqınnarğa kürsätelgän möğämälä säbäpleqabınğan cäncal , köç qullanunıñ kimemäwe , Ğıraq idarä şurası citäkçeseneñ üterelüe şulayuq başqa waqıyğälär misal öçen AQŞnıñ küptänge dustı Ğıraqınıñ kiläçäktäge citäkçse dip qaralğan Axmäd Çalabinıñ yardämçeläreneñ qulğa alınuı turında qarar çığarıluı Ğıraqtağı eşläneñ Waşington telägäneçä şoma barmauın kürsätä. Citmäsä sonğı atnalarda G.Bushnı yaqlaw reitinğı nıq töşte. WP basması däwlät departamentı räsmiänä tayanıp prezident çığışları ütkängä tügel ä kiläçäkkä basım yasayaçaq dip yaza.
färidä xämit,praga
färidä xämit,praga