Afğanıstanda, Amerík gäskärläre, Paqıstan belän çiktä, ütep kerüe qíın bulğan cirlärdä, Äl Qäidä suğışçıları häm taliblarnı äzläp yuq itüdä kiñäytelgän operasí alıp bara. Uzğan atnada Paqıstan xökümäte amerík xärbiläre çiklärne boza dip qarşılıq belderde. Moña cawap itep Amerikanıñ Afğanıstandağı xärbi citäkçelege, Koalísí gäskärläre çikne bozmí. Bez Paqıstan xärbiläre belän kiñäşep yeşlibez. Xalıqara terrorçılar belän köräştä Paqıstan bezneñ öçen mähim berektäş, bez anıñ çiklären xörmät itäbez dip belderde.
