Accessibility links

якшәмбе, 11 декабрь 2016, Казан вакыты 15:03

Bäyälär - kütärelä, eş xaqları – artmıy


Şuşı könnärdä telefon xaqlarınıñ 6 tapqırğa kiterelü mömkinlege kebek küñelsez xäbär kilep ireşte. Ä moña qädär benzin bäyäse, qayber aşamlıqlar, araqı xaqları häm kommunal tüläwlär artqan ide.

Däwlät Statistika komitetı birgän mäğlümatlarğa qarağanda, 2004 yılnıñ 1 mayına däwlätneñ xezmätkärlärgä 130 million sum burıç biräse bulğan. Soñğı waqıtlarda eş xaqların waqıtında tülämäw kebek küreneş betä bara, ämma küpçelek xalıqnıñ matdi xäle annan ğına yaxşırmıy.Eş xaqları bik tübän bulıp qala. Uramda ütkärgän keçkenä soraştıru da şul xaqta söyli. Bezgä oçrağan däwlät oyışmaları xezmätkärläre eş xaqın waqıtında alabız, ämma ul bik äz, dip äyttelär. Ber xanım, citärlek aqça eşlägänen äytte. Student qızlar 250 suz stipendiä häm awıldağı äti-äni cibärgän aqçağa yäşägänen söyläde. Soñğı oçrağan xanım 2 bala üstergänen, tulay toraqta yäşägänen, buxgalter bulıp eşlägänen äytte. Ul da eş xaqı tübän, dip zarlandı. Älege xanım fatirnı kreditqa alu turında xıyallansa da, eş urınında aqça äz alu säbäple, tulay toraqtan kitä almayaçaq. Yäşäw minimumı digän, can asrarğa ğına citärlek summa - 2 meñ sumnı täşkil itä. Urtaça eş xaqı respublikada 5 meñ sum dip isäplänä. Läkin 2 meñ tiräse, yäki annan äz genä kübräk aqçağa can asrağan keşelär dä bar. Düşämbe könne, Tatarstan xökümätendä ütkän cıyılışta, tübän eş xaqları mäs’äläsen niçekter xäl itü xaqında äytelde.

Hönär berlekläre federatsiäse matbuğat xezmäte xäbär itkänçä, Rusiä ölkälärendäge kebek Tatarstanda da, aqçanı az tülägängä qarata qarşılıq çarasın ütkärü turında uylanalar. 10 yündä andıy çaranı uzdıru turında Rusiä hönär berleklärennän çaqıru kilsä dä, Tatarstandağı xezmät iälären yaqlawçılar, qarşılıq çarasına çığarğa yuqmı,dip äle xäl itmägän.

Bikä Timerova.

XS
SM
MD
LG