Accessibility links

Кайнар хәбәр

G.Bush,Ğıraq strategiäsendä amerikalılarnı ışandırırğa tırışa


Prezident G.Bush Aqyortnıñ Ğıraqnıñ kiläçäge turında bik möhim dip beyan itkän çığışın yasadı. İlbaşı köç qullanu däwam itkän Ğıraqnı totrıqlı demokratiägä äyländerü plannarı turında söyläde. Bushnı tänqitläwçelär , ul küptänge AQŞ säyäsäten qabatladı ğına bernindi yaña fiker , yäki täqdim yasamadı dip belderde.

Pennsylvaniada xärbi kolledjde yasağan çığışında prezident G.Bush , Ğıraqta tınıçlıq wä demokratiä urnaştıru öçen yaxşı strategiäm bar dip amerikannarnı ışandırırğa tırıştı.İlbaşı 30nçe iyündä waqıtlı Ğıraq xökümätenä tulı suverenlek tapşırılaçaq dip rasladı.(audio) waqıtlı koalitsiä xakimiäte 30-nçe iyündä tuqtala häm ul ber qayçan da yañadan urnaştırılmayaçaq. Okupatsiä tuqtala häm ğıraqlılar üz eşlären üzläre qarıyaçaq dip äytte GBush . Ämma ul ğıysyançılar xakimiätneñ tapşırıluın qomaçaularğa tırışaçaq dip kisätep(audio) terrorçılar xäzer Ğıraqnıñ terrorğa qarşı suğışta üzäk front buluın belä. bez dä moñı añlarğa tieş. Zalimlıqnıñ kire qaytuı terorçılar öçen elek bulmağan ciñü , üterüçelär öçen şatlaq säbäbe bulır ide dip äytte. Bush Ğıraq İdarä Şurasınıñ çirattağı prezidentı İzzäddin Saleemmeñ üterelüen telgä alıp (audio) Bu cinayät, doşmannıñ Ğıraqta üz idaräne tuqtatu öçen patriot,inanğan möminne dä üterüdän totılıp qalmayaçağın kürsätte. İzzäddin Saleem zalimnarnıñ qaytuı häm demokratiäneñ üleme öçen omtılğan terrorçılar tarafınnan üterelde dip äytte G.Bush AQŞ xärbi köçläreneñ 30nçe iyünnän soñ da Ğıraqta toraçağın häm älege 138meñ ğäskärinıñ kiräk bulğan qädär ozaq waqıt anda toraçağın söyläde . Prezident süzlärençä, BMO İminlek Şurasınıñ yaña rezolutsiäsenä esasän bu xärbilär xalıqara köçlärneñ ber öleşe bularaq AQŞ komandası astında toraçaq. Quşma Ştatları kiçä İminlek Şurasında yaña rezolutsiä ölgesen tarattı. G.Bush ğıraqlılarğa demokratiä häm ireklek urnaştıruda yardäm itäçäk 5 çaranı bolay dip añlattı(audio) Bez xakimiätne suveren Ğıraq xökümätenä tapşıraçaqbız. İminlek urnaştırırğa yardäm itäçäkbez.Ğıraq infrastrukturasın tözergä däwam itäçäkbez. Xalıqara yaqlawnı arttıru öçen omtılaçaq häm Ğıraq xalqınıñ saylağan yaña citäkçelärne xakimiätkä kiteräçäk saylawlar ütkärü öçen tırışaçaqbız. Amerika citäkçese tağı yaña törmä tözegännän soñ , Saddam waqıtında ülem häm cafalaunıñ bilgesenä äylängän , AQŞnıñ Ğıraq häm yaqın könçığışta abruyınıñ töşüenä säbäp bulğan Abu Ghraib törmäsen Ğıraq xökümäte röxsäte belän cimerep taşlayaçaqların söyläde. Bush xärbi mäktäptä yasağan çığışnda 30-nçe iyünnän soñ Ğıraqnıñ waqıtlı xökümäte tulı xakimiätkä iä bulaçaq dip äytte. Prezident(audio) Waqıtlı xökümät saylawlar ütkärelgänçegä qädär tulı xakimiätkä iä bulaçaq. Amerika BMO wäkile Braximinıñ tırışlıqların tulısınça yaqlıy.Min Koalitsiäneñ waqıtlı idaräsenä anı här mäsälädä yaqlaw öçen kürsätmä birdem.Suverenlekkä äzerlek barğanda xökümätneñ küp kenä funksiäläre inde ğıraqılılarğa tapşırılğan 12 ministırılq turıdan turı ğıraqlılar qaramağına küçkän dip belderde. Bushnı tänqitläwçelär Abu Graib törmäsen cimerüne küzdä totmağanda ilbaşınıñ çığışında ber yañalıq ta yuq ide, ul AQŞnıñ küptänge säyäsäten qabatladı ğına dip äytte. Noyäber saylawlarında Bushnıñ köndäşe demokrat senator John Kerry dä yañalıq yuq ,prezident äytkännären ğämälgä quyarğa tieş dide, Kerry süzlärençä, Ğıraqta AQŞnıñ ber üze genä totrıqlılıq urnaştıru eşenä däwam itmäve öçen Bush berektäşlärne dä bu eşkä cälep itergä tieş . Yañadan saylanu öçen tırışqan G.Bushnıñ popularlığı häm anıñ administratsiäsenä ışanıç kimegän,. CBS News ütkärgän sonğı tikşerügä kürä fikere soralğannarnıñ 41%ğına Bush säyäsäten raslıy 52% isä qarşı .

färidä xämit,praga
XS
SM
MD
LG