Accessibility links

пәнҗешәмбе, 8 декабрь 2016, Казан вакыты 10:56

Başqortstanda 11nçe sıynıfnı 40048 uquçı tämamlıy


Respublik mäktäplärendä soñğı qıñğırawlar şaltıradı. Bıyıl respublika buyınça 11nçe sıynıfnı 40048, 9nçı sıynıfnı 72990 uquçı tämamlıy. 27nçe may yomğaqlaw attestatsiäläre bula.İmtixannar iyün urtasına qädär däwam itäçäk. Bıyıl berdäm däwlät imtixanı yuq. Bäläbäy tatar gimnaziäse tiräsendä kierenkelek däwam itä.Gimnaziä direktorı Yärmäkäy rayonı mäxkämäsenä çaqırılğan, näq şul könne mäktäpkä Mäğärif ministrı kilä. Rayon mäğärif bülege citäkçeläre direktornıñ törle oyışmalar belän mäxkämäläşüdän başı çıqmawın bilgelilär. Gärçä, gimnaziä mäğärif bülege belän genä mäxkämäläşsä dä. Mäktäp citäkçelege 27nçe may mäğärif bülegenä çaqırılğan. Anda Xösäyenovnıñ urınında qalu-qalmaw mäsäläse dä qaraluı ixtimal. Wäsimä Qotiqowa häm Yelena Xäkimowalar “Analıq danı“ medale birü tärtibeneñ konstitutsiälegen Konstitutsiä mäxkämäsenä birgän idelär. İsegezgä töşeräbez, medäl 1998nçe yılda buldırılğan ide.Ul biş häm annan da kübräk balalılarğa birelä.Balalar bar da isän häm iñ keçese ber yäşkä citkänçe ana keşe büläkkä täqdim itelä.Älege analar üzläre dä bişär bala anaları, tik iñ keçe balaları färmanğa qädär ük tuğanğa,alarnı cirle xaqimiät büläkkä täqdim itü kiräk tügel dip tapqan.Mäxkämä medalne birü tärtibeneñ qanunıy buluın bilgeläde, ä bu analarğa mäxkämä,yäki Prezidentnıñ üzenä möräcägät itegä kiräklegen bilgeläde.

XS
SM
MD
LG