Accessibility links

шимбә, 10 декабрь 2016, Казан вакыты 12:03

Östän töşerelgän reformalarğa astan qarağanda...


Rusiä Prezidentı Vladimir Putinnıñ yıllıq yullamasın tıñlawğa bağışlanğan Federal' Cıyılış utırışında Tatarstan citäkçeläre dä qatnaştılar. Tatarstan prezidentı Mintimer Şäymiev yullamanı tıñlağan soñ mäğlümät çaralarına: “Rusiä Prezidentı yullaması- ul il häm böten dönya aldında köçäyä barğan Rusiä Federatsiäse reformaların alğa cibärüneñ aldağı programması” dip belderde. Äye küpçelek xalıqta monıñ belän kileşä häm Rusiädä soñğı waqıtta iğlan itelgän fäqirlek belän köräşü, sotsial' yaqlawnı arttıru kebek programmalarğa saqlıq belän- “hawada oçqan tornağa qarağanda...” digän ğibärädän çığıp qarıylar. Yullama iğlan itelgän kön aldınnan Rusiä xökümäte utırışında yañalıq iğlan itelde. Xalıqqa sotsial' yärdäm qanunı üzgärä- taşlamalar urınına pensiälärgä aylıq östämälär kerteläçäk. Tatarstanda da monı zur qızıqsınu belän qabul ittelär. Awıl cirendä 1500- 2000 sum pensiägä yäşäwçe qart-qorığa 1000-2000 sum östämä wäğdä itelä bit. Awılda üz yortında yalğız yäşäwçe pensioner qarçıq belän söyläşäbez. Şulay itep wäğdä itelgän reformalar bik qızıqtıra, läkin tormışqa aşuına ışanuçılar az. Äle bit ul östämälär dä barlıq kategoriä pensionerlarğa bulırmı yuqmı bilgele tügel. Ber şähär pensionerı-“ ğadi pensionerlarğa, xezmät veterannarına bu östämälärneñ küpme bulası bilgele tügel”-dide. Çärşämbe könne mäğlümät çaraları- Tatarstanda pensionerlar öçen yäşäw minimumı 1700 sum dip iğlan ittelär. Yarar şulay bulsın di, gärçä xalıq monı şaqtıy ğına kimetelgän kürsätkeç dip sanıy. Ä xäzer ike bülmäle şähär fatirında ikesenä yaqınça 4000 meñ pensiä alıp yäşäp yatqan pensionerlar ğailäsen küz aldına kiteregez häm wäğdä itelgän reformalarnıñ yamawlıq östenä yamawlıq bulğanıñ şäylärsez dip ışanıp qaluçı Yunıs Ätnäle. Azatlıq radiosı. Qazan.

XS
SM
MD
LG