Accessibility links

чәршәмбе, 7 декабрь 2016, Казан вакыты 15:45

Britaniä İnstitutı:Ğıraq suğışı al Qaidanı köçländerde


Britaniäneñ Strategik Tikşerenülär öçen Xalıqara İnstitut iğlan itkän xisabqa qarağanda, AQŞ citäkçelegendäge Ğıraq okupatsiäse çınbarlıqta Al-Qaida terror çeltären zäğiflätügä tügel ä nığıtuğa kitergän.. Ğıraq konfliktı terror oyışmasına yaña äğzalar tabuın qulaylaştırğan. Törkem sonğı çiktä küpläp üterü qoralları qullanunı üz mäqsatı itep quya.AQŞ iminlek oyışmaları kiçä terrorçılar bu cäydä Amerikada zur höcümgä äzerlänä digän kisätü yasadı.

Strategik tikşerenü 2003-2004 dip atalğan xisapta Al-Qaida üzen tulısınça ayaqqa bastırdı xäzer AQŞ häm anıñ Yevropadağı berektäşlärenä höcümgä äzerlänä dip äytelgän. Ul yaña, täsirle operatsiä metodları belän sonğı çiktä küpläp üterü qoralların qullanu mäqsatına ireşmäkçe dip yazılğan Strategik Tikşerenülär öçen Xalıqara İnstitutnıñ xisabında . Belgeçlär belderüenä kürä Al Qaida zur plannarın äzerläp betergänçe ul AQŞ, Yevropa häm İzraeldä yomşaq hädäflärgä höcüm oyıştırıp, Ğıraqtağı ğıysyanğa yardäm itäçäk .Dokumentqa qarağanda terror çeltärendä älegä waqıtta 18meñ potensial terrorçı bar. Bu Al Qaidanıñ citäkçese Osama bin ladennıñ karizmatik cälep itü köçe näticäse bulıp tora. Oyışmanıñ 30citäkçeseneñ yartısınıñ qulğa alınuı yäki üterelüenä qaramastan anıñ dönyağa taralğan urta däräcädäge menecmentı –idaräse isänhäm eşlären alıp bara. İnstitut xisabında äytelgäneçä , AQŞ citäklägän Ğıraq okupatsiäse wazğiätne qatmarlandırğan. İntervensiä AQŞnıñ yaqın könçığıştağı strategik häm politik mänfäğätlären arttıru ideası belän yasaldı bu isä al Qaidanıñ möselman dönyasın AQŞ täsirennän tazartuğa tämam qarşı bulıp tora. Strategik Tikşerenü xisabınıñ möxarrire Jonathan Stevenson (audio) suğış ğäräb dönyasında häm älbättä möselman dönyasında AQŞnıñ xärbi itek ezlären arttırdı häm hiç şiksez bu Quşma Ştatlarınıñ säyäsi täsiren dä arttıru mäqsatın quya ... dide. Dokumentta Ğıraq intervensiäse qısqa möddättä terroristlar häm al Qaidağa quşulu öçen etärgeç bulaçaq dielgän . Tikşerenüdä dönyada 18meñ potensial terrorist bar dip äytelgän, Stevenson bu sannıñ qayan kilep çıqqanıñ bolay dip añlata. (audio) bu san AQŞ küzläw oyışmasınıñ 1996 belän 2001 nçe yllar arasında Äfganstanda 20meñ çit il jihadçısı al-Qaida häm Taliban lagerlarında künegülärdän ütte digän saqlıqlı farazlarına tayandı. Bu san 11nçe sintäberdän birle küp kenä çığanaqlarda telgä alındı. Belgeç äytüenä kürä 11nçe sintäberdän soñ başlıça Äfganstanda 2meñ Äl Qaida äğzası üterelde yäki qulğa alındı, qalğan san 18meñ . Bolarnıñ keçkenä öleşe genä xätär terrorçılar , qalğannarı texnik, logistik yäki finans yardäme birüçelär, aktiv tügel ämma operatsiä öçen , kiräk bula qalsa alar aktivlaşaçaq.Al Qaidanıñ küpläp üterü qoralların qullanunı mäqsat itep quyuı älbättä bik tınıçsızlandıra. Xärbi näşriät törkeme Jane -da qoral belgeçe John Eldridge törkem andıy qorallarnı tabu şansına iä , taba almasa da bu turıda söyläw dä köçle qoral dip äytep (audio) Küpläp üterü qoralları turında söyläw dä mäqsatqa ireşü bula, çönki keşelär qurqa, kiläçäkkä ışanıçı qalmıy. Näticädä al Qaida ber närsä dä eşlämi mäqsatına ireşä dip söyli belgeç Eldridge . Ul törle ximik , ağulı maddälärne tabıp bula häm alarnı pıçraq bombalarda qullanu mömkin disä dä , belgeç küpertelgän qurqu, panikağa qarşı saqlıq kürsätergä çaqıra.AQştağı antrax –tülämä höcüme ber niçä keşeneñ genä ülemenä säbäp bulsa da xalıqnıñ psixologiäsenä täsire zur buldı. Älege waqıtta al Qaida nişliäçäk dip äytü qıyın , anıñ strukturası tarqau.Şulay da Dublindağı terror eksperte Shaun Boyne (audio) alar Madrid höcüme kürsätkäneçä koordinatsiälägän höcümnär oyıştıra ala , 11nçe sintäber häm elegeräk Afrikada ilçeleklärgä bulğan höcümnär dip söyli. Belgeç qaraşınça qayber höcümnär , anıñ artında bin Laden tora dip işarä itsä dä , başqaları turında fiker beyan itü qıyın

färidä xämit,praga
XS
SM
MD
LG