Accessibility links

сишәмбе, 6 декабрь 2016, Казан вакыты 17:10

İminlek Şurası: yaña Ğıraqta iminlek mäs''äläläre turındağı fiker ayırmalıqların taraytu tırışlıqları


Ğıraq suverenlegen torğızunı mäqsat itep quyğan rezolutsiä ölgese mäsäläsendä BMO İminlek Şurası äğzaları üzläreneñ bilgele pozitsiäläre säbäple bülengän. Qıtay,Rusiä,Fransiä häm Germaniä rezolutsiädä iminlek eşläre turında qararlar qabul itüdä Ğıraqqa zurıraq rol birü häm koalitsiä köçläreneñ Ğıraqtan çığıp kitü köne yazılğan bulırğa tieş digän pozitsiädä tora.İminlek Şurası äğzaları Ğıraq waqıtlı xökümäte oyışıp anıñ belän meslixätläşkännän soñ ğına rezolutsiä turında qarar qabul itäçäk dip belderä.

İminlek Şurasınıñ töp äğzaları, AQŞ wä Britaniä tarafınnan täqdim itelgän rezolutsiä ölgesendä Ğıraqnıñ suverenlegen nığıtu öçen üzgäreşlär kertergä teläwlären belderde.İminlek Şurası atna başında täqdim itelgän ölge turında kiçä söyläşülär ütkärde.AQŞ citäkçelegendäge köçlär belän 1-nçe iyüldä xakimiätkä kiläçäk waqıtlı Ğıeaq xökümäte arasında konsensus buldıru töp mäsälä bulıp tora.Fransiä wäkile de La Sabliere rezolutsiädä işarä itelgäneçä ğıraqlılar belän AQŞ citäkçelegendäge köçlärgä partnärlar dip äytü citärlek tügel(audio) bez küp millätle köçlär belän Ğıraq xökümäte arasında kileşü bulaçağın beläbez.Bu citärlek tügel. Bez rezolutsiädä qayber prinsıplar –parameterlar buluı möhim dip uylıybız.Alar küpmillätle köçlär belän xökümät arasındağı kileşülärdä yul kürsätkeç bulır ide dide. Şura äğzalarınıñ baytağı Ğıraq köçläre berläşterelgän komanda astında tormasqa häm telämägän urınnarğa suğışqa cibärelmäskä tieş dip basım yasıy.Germaniä wäkile Günter Pleuger rezolutsiädä Ğıraq citäkçeläre üz köçlären üzläre kontrol itäçäk digän maddä bulırğa tieş dip äytep(audio) Mäslixätläşü häm xezmättäşlek öçen mexanizm buldıru zarur, ber yaqtan ul Ğıraq xökümäte suverenlegeneñ iminlek arxitekturasına bäyle buluın açıqça kürsätsä ikençedän ul Fallucadağı konfliktta bulğan kebek Ğıraq armiäseneñ zur öleşeneñ qaçıp kitüe kebek xällärne kiläçäktä buldırmas dip belderde. Qıtaynıñ taratqan täqdimdä isä küpmillätle köçlär 2005nçe yılnıñ ğıynuarına yäğni saylawlarğa qädär genä torırğa tieş dip äytelgän.AQŞ belän Britaniä xärbilärneñ toru möddäte ber yıldan soñ yañadan küzdän kiçerelergä yäki bu turıda saylanğan Ğıraq xökümäte qarar birergä tieş dip äytkän ide.Qıtay şulayuq ğıraq armiäse häm politsiäse waqıtlı xökümät qaramağına quyılırğa , koalitsion köçlär isä saqlanunı küzdä totmağanda barlıq xärbi aksiälärne waqıtlı xökümät belän kiñäşläşergä tieş digän qaraşta. Qıtay wäkile Wang süzlärençä(audio) Berençedän waqıtlı xökümät oyışırğa tieş. İsemnär iğlan itelep,ğıraqlılar tarafınnan qabul itelüe kiräk.Älege ölgedä bäxäsläşelgän mäsälälär bu saylanğan keşelär belän söyläşelergä tieş.Bezneñ qabul itkän rezolutsiä saylanğan keşelär öçen qabul itelmäslek bulsa, bu başqa ber probelma bulaçaq Waşington belän London Ğıraq suverenlege turında üz aralarında kileşä almıylar digän spekulativ fikerlärne kire qağıp, komanda häm kontrol mäsäläläre qapma qarşılıqlı tügel, ä berbersen tämamlıy dip äytä.Ütkän yılda AQŞ däwlät departamentında suğıştan sonğı Ğıraq mäsälälärendä kiñäşçe bulıp torğan Tışqı Mäsälälär Şurasınıñ ölkän xezmätkäre David Philips radiobızğa birgän ängämädä, AQŞ wä Ğraq räsmiläre öçen mönäsäbätlär İminlek Şurasında tügel ä urında möhim di.Philips (audio) wazğiät bik näzberek şartlar bik tiz üzgärgän urında çınbarlıqqa turı kilmägän rezolutsiäne yöklämä itep alırğa telämi torğansızdır Urındağı çınbarılq iminlek strategiäsen bilgeliäçäk häm bu ğıraqlılar qatnaşqan oçraqta ğına uñışlı bula ala dip äytte.BMO wäkile Laxdar Braximi tizdän waqıtlı xökümättä eşlärgä teläwçelärneñ isemlegen täqdim itäçäk .Xabärlärgä qarağanda här kem bu xökümättä wazıyfa alırğa telämi .

färidä xämit,praga
XS
SM
MD
LG