Accessibility links

җомга, 9 декабрь 2016, Казан вакыты 03:15

Başqortstandağı tatar mäktäpläre yazmışı niçek bulır?


Başqortstan mäktäplärendä çirattağı uqu yılı tämamlandı. Bıyılğı uqu yılında unberençe sínıfnı tämamlap, çığarılış imtixannarı birüçelär sanı 40 meñnän arta. Älege uqu yılı republíktağı tatar balaları, ğomumän, tatar mäktäpläre öçen nindi näticälär belän bilgelände, Başqortstanda barğan başqortlaştıru säyäsäte tatar mäktäpläreneñ aldağı yazmışına niçegräk täesir itär? Menä şuşı häm başqa könüzäk mäsälälärne tikşerü öçen häm, uqu yılı tämamlanu uñayınnan, Başqortstan tatar milli oyışmaları wäkilläre Ufada «tügäräk östäl» söyläşüe ütkärde. Anda Başqortstan Tatar ictimağí üzäge räise Ayrat Ğiniätullin, Milli mäcles räistäşe, professor Marat Ramazanov, Ufa şähäre Tatar milli – mädäni moxtarítı räise Zahir Xäkimov, milli xäräkät aktífistı Zöhrä Kincäbayıwa häm başqalar qatnaştı. Bügen sezneñ iğtibarğa Başqortstan tatar mäktäpläre yazmşına bağışlanğan şuşı möhim söyläşüdän qayber fikerlärne işetterergä buldıq.

(awdio)

Başqortstandağı tatar mäktäpläreneñ yazmışı berniçä yıldan niçegräk bulır, tatar balaları üz ana tellärendä belem alu xoquğın yuğaltmasmı? Başqortstan şartlarında bu sorawlar tatar xalqı öçen bik tä aktual bulıp qala. Ägär dä republík xakímítları haman da tatar awıllarındağı mäktäplärne başqortlaştıru säyäsäten yaqlasa häm aña fatíxa birep torsa, älbättä, tatar mäktäpläreneñ aldağı berniçä yılda uq bik nıq kimü ixtimallığı bar. Ämma republíktağı tatar milli oyışmaları häm tatar cämäğätçelege Başqortstan citäkçelegeneñ älege mäsälädä uylap eşläwenä ışanıçın yuğaltmí.

Fänis Fätxi, Ufa.

XS
SM
MD
LG