Accessibility links

дүшәмбе, 5 декабрь 2016, Казан вакыты 19:42

Milli mäğärif kiçä häm bügen


27nçe may könne Milli Mäcles häm Tatarstan fännär akademiäseneñ tarix institutı tatar mäğärifeneñ bügenge torışına häm kiläçägenä bağışlanğan fänni konferensiä oyıştırdı. Anda mädäniät ministrlıysınnan milli uqıtu buyınça bülek mödire Radik Zaripov, milli mäclesneñ räise Ğabdulla Gäliulla, tarix fännäre doktorı Damir İsxaqov, Färit Soltanov, tarix fännäre kandidatı Gabdelbär Fäyzraxmanov, yazuçı Fäwziä Bäyrämova, Möxämmädiä mädräsäse xezmätkärläre häm Zelenodol'sk, Älmät, Çallı, Bögelmädän kilgän zıyalılar, milli xäräkät citäkçeläre qatnaştı.
Konferensiädä äytelgänçä, 90nçı yıllarda tatar mäğrifäte, mäktäpläre, gimnaziäläre häm balalar baqçaları eşläwgä cämäğätçelekneñ iğtibarı bik köçäygän ide. Bu iğtibarğa däwlät tä, mäğärif ministrlığı da bitaraf qalmadı häm näticädä ul yıllarda millät üseşenä bağışlanğan küp kenä eşlär başqarılğan. Ämma soñğı yıllarda Tatarstanğa Mäskäw tarafınnan basım köçäygän häm mäğrifätkä iğtibar kimede. Bu turıda häm şulay uq üsep kilüçe yäş buınnıñ milli üzañ yuğaluı, teldän, ğöref-ğädättän çitläşüe, narkomaniä, alkogolizm, köçläw, faxişälek artu xaqında älege fänni-ğamäli konferensiädä dä süz bardı. Tatar mäktäplärendä uqığan balalarnıñ da kübräk rusça söyläşüe, ğomumän tatar mäktäp-gimnaziäläreneñ bik az buluı belän cämäğätçelek borçıluın kürsätte.
Mäğärif ölkäsendä xäl itelmägän mäs'älälär bik küp ikän. Milli zıyalılar alarnı tikşergän waqıtta ni öçen bu söyläşüdä yuğarı däräcädäge citäkçelär yuq, digän soraw da quyıldı. Ğädättägeçä, Fäwziä Bäyrämovanıñ çığışı istä qalırlıq, eçtälekle häm xisle buldı. Oktäbergä qädärle çorda seber tatarlarınıñ mäğärif sisteması xaqında äytelde.
Konferensiä axırında rezolyutsiä qabul itelde, forsat çıqqanda anıñ belän sezne dä tanıştırırbız.
Al'bina Zäynulla, Qazan.

XS
SM
MD
LG