Bush administratsiäsen yaqlaw kimegän waqıtta J.Kerry üz imicin yaxşırtunı mäqsat itep quyğan çığışında ,prezidentnıñ tışqı säyäsäten nıq tänqitläde (audio)
yünäleşne saqlap qalu möhim.Ämma yalğış yänäleştä toru köçlelek işaräse tügel ä üzsüzlelek kirelek bulıp tora häm sonğı çiktä bu ilne häm dönyanı zäğiflätä dip äytte senator Kerry.
Ul Ğıraq suğışına qarata... administrtasiä politik diplomatik yullar urınına suğışnı sayladı, AQŞnıñ küp kenä berektäşlären üzennän yıraqlaştırdı häm suğış başlanğannan soñ ber yıldan artıq waqıt ütsä dä ğıysyan däwam itä dip äytte.J. Kerry bu turıda G.Bushnıñ Pensilveniädä xärbi mäktäptä yasağan çığışınnan soñ 3 kön ütkäç söyläde. Bilgele bulğança prezident anda Ğıraq turında üz qaraşların añlatıp , bez annan waqıtınnan elek çığıp kitmiäçäkbez dip wäğdä itkän ide.Bush yañadan saylanu kampaniäsen, iminlek mäsälälärenä nigezläp alıp bara. 11nçe sintäberdän soñ ilbaşın yaqlaw nıq artıp kitte .Küp kenä amerikalılar aña terrorğa qarşı suğışta qararlı adımnar atlağan köçle citäkçe dip qaradı. Ämma sonğı fiker beleşülärdä prezidentnı yaqlaw 50%tan azıraq, xakimiätkä kilgännän birle in tübän san. Şuluq fiker beleşülärdä Kerry Bush belän ber däräcädä ä qayçaqta yuğarıraq tora. Köndäş kiçä Bushnıñ tübän reytingınnan faydalanırğa qarar birgän buluğa oşadı. Ul üzeneñ terror häm Al qaidağa qarşı köräşäçägen äytep Bushnıñ tışqı säyäsättä ber yaqlı mönäsäbät kürsätüe AQŞnı köçländerü urınına zäğiflätte dip äytep(audio)
Ägär dä prezident Bush berektäşlärebezneñ yaña yaqlawın alalmasa ber märtäbä tağı dönyanı berläşteräse urınğa bülgälägän tışqı säyäsätneñ näticälären xis itäçäkbez , Xärbilärebez zurıraq qurqınıç aldında qalaçaq , Ğıraq missiäsen tämamlaw qıyınarq bulaçaq ä bälkim dä bötenläy tämamlıy almıyaçaqbız. İlebezdä iminlek kimiäçäk dip söyläde
Prezident namzäte Kerry 4 prinsıpqa nigezlängän iminlek strategiäsen bolay dip açıqladı:AQŞ citäklägän berektäşleklärdä yaña çor başlatu, yaña tör qurqınıçlarğa qarşı toru öçen xärbilärne modernlaştıru, diplomatiä, küzläw häm ekonomik köçne yaxşıraq qullanu häm Amerikanı yaqın könçığış nefteneñ qurqınıçlı bäylelegennän azat itü .Kerry bu süzlären saylawaldı kampaniäsendä äytte. Monda ğäskärilär çit ildä suğışqanda namzät prezidentnı ni däräcädä tänqitli ala digän soraw tua. Waşingtonda Amerikan Universitetında tarix profesorı Alan Lichtman bu turıda radiobızğa birgän ängämädä(audio)
älbättä namzätneñ suğış waqıtında da ,tınıçlıq waqıtında da administratsiäneñ säyäsäten tänqitlärgä xoquqı bar. Vietnam suğışı waqıtnda prezident Lyndon Jonhson häm administratsiäneñ Vietnam säyäsäte üzpartiäse şulayuq respublikannar häm bäysez törkemnär tarafınnan tänqitlände
Ämma profesor Lichtman prezidentlıqqa namzät tänqitlärenä iqtibar itergä , qullanğan taktikası suğıştağı ğäskärilärneñ iminlegen häm suğış aktivlıqların zäğiflätmäskä tieş dip xäterlätte. Ğalim Kerrynıñ tänqitläre bälkim dä Bushnıñ yañadan saylanuına zian kiterä ala ämma anıñ äytkännären Ğıraq suğışına tıqşınu dip täfsilläw mömkin tügel dide
färidä xämit,praga
färidä xämit,praga