Accessibility links

пәнҗешәмбе, 8 декабрь 2016, Казан вакыты 15:04

Tatnet: Qayda uqırga kerergä? İnternet aşa cawap ezlibez


May axırı, cäy başı mäktäp tämamlawçılar öçen iñ cawaplı waqıtlarnıñ berseder. Qayda uqırğa kerergä, digän soraw yäşlärne üzlären, ata-anaların, tuğannarın borçıy. İnternet bu mäs’älädä yärdämçe bula ala. Berençedän, yuğarı uqu yortlarınıñ internet saytların tabıp, alar aşa kiräkle mäğlümatnı tabıp bula. Tatarstan mäğärif ministrlığınıñ internet säxifäse, çittäge tatar yäşläreneñ ixtiacın belä torıp, kiräkle mäğlümatnı ber säxifädä tuplap birä. Mäsälän, anda Qazan däwlät universitetınıñ qaysı fakul’tetına nindi imtixan tapşırası, Universitetqa qabul itü şartları turında da mäğlümatlar täqdim itelä. Universitetınıñ üzeneñ dä saytı bar. www.kcn.ru. İñ populär texnik uqu yortlarınıñ berse – Qazan texnik universitetı www.kai.ru adresında urnaşqan. Finans akademiäse xaqında mäğlümlar www.kfei.kcn.ru digän saytta urnaşqan. Ä başqa yuğarı uqu yortları turında belergä teläsägez, räsmi sayt –www.tatar.ru da, ä anda «internet» bülegendä tabırsız. Dönyanıñ qaysı urınında bulsağız da, älege saytlarnı aqtarğanda xäreflär häm kodlar belän problema çıqmas, çönki küpçelek säxifälär urıs häm ingliz tellärendä genä yasalğan.Tatarstan mäğärif ministrlığınıñ saytına äylänep qaytsaq, www.tatedu.ru adresın cıysaq, Tatarstanda eşläwçe Rusiä yuğarı uqu yortlarınıñ büleklären, urta häm maxsus belem birüçe uqu yortları xaqında da mäğlümatlar tababız. 1nçe kursqa tügel, 1nçı sıynıfqa baruçılar öçen dä älege sayt faydalı bula ala. Biredä maxsus säxifädä, Qazan mäktäpläre, 1nçı sıynıfqa maxsus test aşa uzdıra torğan mäktäplär xaqında qısqa-qısqa xäbärlär tuplanğan. Tatarstan mäğärif ministrlığınıñ saytı www.tatedu.ru adresında urnaşqan. Başqortstan mäğärif ministrlığınıñ internet säxifäsen – www.mnobr.ru adresında tabıp bula. Rusiä mäğärif ministrlığı - www.edu.ru digän cirdä urnaşqan.

Tatarstan mäğärif ministrlığınıñ saytı turında tağın ber mäğlümat. Ul çittäge tatarlar öçen, tağı ber yağı belän qızıqlı bulırğa mömkin, anda tatar tele däresendä qullana alırğa mömkin materiallar täqdim itelä. Läkin älege faillarnı açır öçen, maxsus programmalar kiräk bulıp çıqtı.

Şulay uq, mäktäp saytına äzer ürnäk sayt tabıp bula. Ul Rusiä mäğärif ministrlığı yärdäme belän buşlay taratıla. Şuşı ürnäkne alıp, maxsus belem bulmıy torıp ta, mäktäp saytın yasarğa mömkin.

Bikä Timerova.

XS
SM
MD
LG