Accessibility links

якшәмбе, 4 декабрь 2016, Казан вакыты 09:16

Söğüd Ğaräpstanda neft şirkätenä höcüm yasaldı: kimendä 5 keşe hälak bulğan


Söğüd Ğaräpstannıñ könçığışındağı Xobar şähärendä bügen ber ere neft şitkäteneñ öç ayırım binasına höcüm yasalğan. Bu xaqta Associated Press mäğlümat agentlığına ber könbatış diplomatı beldergän. Höcümnär näticäsendä kimendä 5 keşe hälak bulğan, berniçä keşe totıq itep alınğan. Ülüçelär arasında – çit il keşeläre häm iminlek xezmäte wäkilläre. Totıq itep alınuçılar arasında – irlär, xatın-qızlar häm balalar bulırğa mömkin . Livannıñ Söğüd Ğaräpstandağı daimi wäkile süzlärenä qarağanda, 5 Livan keşese azat itelgän. Äle genä kilgän xäbärlärgä qarağanda, Söğüd iminlek köçläre suğışçılar totıqlar belän bergä biklängän binağa kergän. Şuşı xäl bulğan Xobar şähäre başqala Riyadh'tan könçığışqa taba 400 çaqrım yıraqlıqta urnaşqan.

XS
SM
MD
LG