Accessibility links

шимбә, 10 декабрь 2016, Казан вакыты 09:53

Äfğanstannıñ könyaq töbäkläre utqa totıldı


Äfğanstan belän Paqstan çik buyında ike amerikan xärbie yaralğannan soñ bügen amerikan köçläre könçığış äfğanstandağı pozisiälärne utqa tottı. Qabulda matbuğat oçraşuında amerikan polkovnigı Tucker Mansager, xärbilär pänceşämbe könne Paktika provinsiäsendä bäreleşlär waqıtında cärähätlär alğan ide, dip belderde. Äfğanstannıñ iminlek köçläre häm xalıqara tınıçlıq saqlaw ğaskärläre Qabul yaqınnarında Taliban belän elemtädä buluda şiklänelgän 36 keşene qulğa alğan. İminlek Saqlarğa Yardäm İtkän xalıqara köçlär'nıñ matbuğat wäkile Chris Henderson, qulğa alınuçılar arasında beräw şartlatqıçlar yasağan, dip belderde. Äfğanstannıñ hawa yulları şirkäte Qabuldan Parijğa oçışlar başlarğa niäten belderde. Ariana Äfğan hawa yulları kampaniäse wäkile kapitan Abdul Rahman süzlärençä, şulay uq alar New York, London, Rim häm Amsterdamğa oça başlayaçaqlar.

XS
SM
MD
LG