Accessibility links

шимбә, 3 декабрь 2016, Казан вакыты 14:42

BMO Ğiraqnıñ waqıtlı xökümäte başlığı itep İyad Allawi'nı bilgeläwgä xuplaw belderde


Berläşkän Millätlär Oyışması 30nçı iündä xakimiätkä kiläçäk Ğiraqnıñ waqıtlı xökümäteneñ başlığı itep İyad Allawi'nı bilgeläwne xuplağanın belderde. Şiği möselmannarı wäkile Allawi, hönäre belän nevrolog, Saddam Hösäin çorında çit ildä yäşäde. Comğa könne ul Bağdadta premyer-ministr itep bilgelände. Ğiraqnıñ waqıtlı xökümäten tözü eşen başqarğan Berläşkän Millätlär Oyışması wäkile Lakhdar Brahimi, kiçä bulğan utırışta yuq ide, ämma xalıqara oyışmanıñ matbuğat wwäkile Fred Eckhar süzlärenä qarağanda, Brahimi Allawi belän bergä xökümätneñ qalğan äğzalären bilgeliäçäk. Ministrlar isemnäre aldağı berniçä kön eçendä mäğlüm bulır dip kötelä. Amerika Quşma Ştatlarınıñ Aq Yort wäkile Scott McClellan, Allawi'nı "Ğiraq xalqı arasında da yaqlaw tapqan yaxşı citäkçe" dip atadı.

XS
SM
MD
LG