Accessibility links

Кайнар хәбәр

İzrael xökümäte premyer-ministr Ariel Şaronnıñ Gaza sızığınnan yähüdlärne çığaru turındağı ber yaqlı planın tikşerä


İzrael xökümäte bügen premyer-ministr Ariel Şaronnıñ İzraelneñ Gaza sızığınnan çığıp kitü turında ber yaqlı planın tikşerä. Utırış başlanğançı Şaron, planğa üzgäreşlär kertelde, dip belderde: "Ministrlar bügen üzgärtelgän, berniçä öleştän torğan plannı tikşeräçäk. Beläm, elekke plan belän qanäğät bulmawçılar bar ide, busı üzgärtelgän" dide Şaron. Ämma mäğlümat çaraları xäbär itüençä tawış birü bügen bulmayaçaq, çönki küpçelek älege plannı xuplamıy. Könbatış xäbär agentlıqları belderüençä, Şaron barıber bu plannı yaqlıy, häm anıñ nigezendä Gaza sızığınnan yähüd utarların çığarırğa çaqıra. Şaron planğa xuplaw alır öçen böten çaralarğa, xattä xökümätne üzgärtü yäisä kisken säyäsi adımnarğa barırğa äzer bulğanın belderde. Gaza sızığınıñ üzendä isä bügen İzrael köçläre höcüm waqıtında elektän ük ezlängän Hamasnıñ xärbi yulbaşçısı häm anıñ ike wäkilen atıp üterde.
XS
SM
MD
LG