Accessibility links

шимбә, 10 декабрь 2016, Казан вакыты 08:15

Tatarnıñ zıyalı ulları


Ğädättä, bez tuğan könnärne, yubileylarnı bilgelämibez. Ämma bu könnärdä ataqlı arxeolog, tarixçı Al'fred Xalikovnıñ tuuına 75 yıl tulu törle millät, törle qatlam wäkilläreneñ, matbuğatnıñ, televidenie, radionıñ iğtibarın cälep itte. 31nçe may könne akademik Mirqasıym Ğosmanovqa 70 yäş tuldı. Bu olı şäxes, zur ğalimgä dä cämäğätçelekneñ mönäsäbäte ğadi tügel. Mirqasıym Ğosmanovnıñ küpyäklı eşçänlege turında ayırım tapşıru äzerlängäç, bu ğädäti bulmağan şäxes belän yaqınnanraq tanışırsız. Anıñ milli häm tarixi üzañ, urta ğasırlar tarixı häm millätebez yad'kärläre belän bäyle xezmätläre tatarnıñ täräqqıätenä tä'sir itkän.
Qazanda Buryatiä prezidentın kötälär
Tatarstan prezidentı Mintimer Şäymievneñ Mäskäwgä kitüe, anda Rusiä Däwlät Sovetı utırışında qatnaşuı ğädättän tış xäbär bulmasa da, bu säfärneñ ber üzençälege bar. Mintimer Şäymiev Mäskäwdän qaytqanda yalğız bulmayaçaq. Anıñ belän ber ük waqıtta Qazanğa Mäskäw aşa yıraqtan kilgän qunaqlar bulaçaq. 1-2nçe iyündä Tatarstanda Buryatiä respublika prezidentı Leonid Potapov citäkçelegendäge delegatsiä bulaçaq.
“Altın bitlek” kemgä bireler?Bu düşämbe waqiğalarğa bay. Bigräk tä, mädäniät, ruxi tormış ölkäsendä. Qazanda Altın maska bäygesendä qatnaşuçı teatrlar festivale 31nçe may kiçendä Qamal teatrı binasında başlanıp kitä. Mäskäwdän kilgän bilgele artistlar häm truppalar, başqa töbäklärdän kilgän talantlı törkemnär üzläreneñ iñ yaxşı äsärlären kürsätäçäk.
Rimzil' Wäli, Qazan.

XS
SM
MD
LG