Accessibility links

пәнҗешәмбе, 8 декабрь 2016, Казан вакыты 01:18

Ästerxanda Sabantuy niçek ütkän?


Ästerxan ölkäseneñ Nuriman rayonı Novo-Kuçerganovka awılında ütkän Sabantuyı « Kiäw yegete yortına kilen töşerü» ğörefe belän başlanıp kitkän.Bu tamaşada qaynata rolen, şuşı Sabantuynı uzdıruğa zur köç salğan, «Duslıq» cämğiäte räise, Änwär Almaev başqarğan.Sabantuyda fol'klor törkemnäre “Qoyaş”,“ Nur”isemle balalar ansambl'läre dä çığış yasağan. Yarışta qatnaşqan ciñüçelärgä nindi büläklär birelüe turında Ästerxanda çığuçı «İdel» gäziteneñ baş möxärrire Näfisä Xämidullina söyläde. Anıñ äytüençä, Sabantuyğa cıyılğan xalıq at çabışları , Köräş qarap, konsertlarda qatnaşıp küñel açqan.Yarışlarda ciñüçelärgä büläklär tapşırılğan. Köräş batırına bärän birsälär, at çabışında yarışqannarğa konditsioner, muzıka cihazı häm televizor birgännär.Sabantuyda tatarlar ğına tügel , nuğaylar ,ruslar, azerbaycannar, ukrainnar da qatnaşqan .Tatarstannıñ sälämätlek ministrı Kamil Ziatdinov citäkçelegendäge Tatarstan delegatsiäseneñ qatnaşuı da , Bögelmädän kilgän artistlar çığışı da bik uñışlı bulğan. Räsmi qunaqlarnıñ- Ölkä gubernatorı Anatoliy Gujvinnnıñ da, Rusiäneñ federatsiä Sovetı räise Sergey Mironovnıñ da, Sabantuy, küñelenä xuş kilgän. Mälikä Basıyr,Qazan.

XS
SM
MD
LG