Accessibility links

якшәмбе, 11 декабрь 2016, Казан вакыты 13:07

Taşla tämäkeñne balaqay...


Tatarstandağı mäğlümat çaraları Bötendönya tämäke tartuğa qarşı kön ütkärelü uñayınnan yaxşı ğına tä'sirle faktlar kiterdelär. Äytik Qazanlılar ğına tämäkegä ayına ike million sum aqça sarıf itälär ikän. “Başqalarğa yärdäm itep-üzeñä dä yärdäm it” aksiäse tämäke tartuçılarğa tämäkegä digän aqçanı balalarğa yärdämgä xäyer itärgä häm köngä tämäkedän yal itärgä mömkinlek birü öçen ütkärelde. Bauman uramında, Qazan Däwlät Universitetı qarşında, İdel buyı, Mäskäw bazarları, Savinovo säwdä kompleksı yanında emblemalar taqqan yäş yegetlär häm qızlar qızıl xaç töşerelgän tartmalarğa aqça cıyıp yördelär. Xäzer min sezgä Qazannıñ Bauman uramındağı ber söyläşüne täqdim itäm. Alsu belän Zölfiä meditsina universitetında uqiylar. Xätta alar arasında da tämäke tartuçılar küp. Şuña kürä alar bu aksiädä qatnaşıp tämäke tartuğa qarşı agitatsiä alıp baralar. Bu aksiägä mönäsäbät törleçä. Aksiädä cıelğan aqçalar Mäskäwdä leykemiädän däwalanuçı 12 yäşlek qız bala xisabına tapşırılaçaqlar. Bauman uramındağı älege aksiä ütkärüçelärne- uramnıñ azağınnan Matbuğat yortı yanınnan uq ezläp kildem. Uramdağı urındıqlarda tämäke tartıp, sıra eçep utıruçılar arasında qızlar yegetlär sanı ber tigez diärlek. “Neformallar” yäğni üzlären irken totuçı ber törkem yäşlär cırlap üzlärenä aqça cıyıp utıralar. Aksiä turında bernärsädä işetmägännär. Aqçanı şulay original' yul belän eşläp tapsalar da tämäkegä aqça qızğanmıylar. Tämäkegä digän aqçalardan cıyılğan matdi yärdämneñ balalarğa barıp ireşüenä ışanmıylar. Yunıs Ätnäle.

XS
SM
MD
LG