Ğiraqnıñ idarä şurası ilneñ yaña prezidentı bilgelänergä tieşle kiñäşmäne sişämbegä küçerde. Älegä 30 yünnän soñ ilneñ prezidentı kem bulaçağı xaqında urtaq fikergä kilä almıylar. Bu xaqta şuranıñ körtlär wäkile Mäxmüt Otman xäbär itte. Xäkimiät şurasınıñ küpçelege Ğazi Äl-Yawarğa teläktäşlek belderä. Läkin Berläşkän Millätlär oyışması wäkile Laxdar Braximi häm waqıtlı administratsiä başlığı Paul Bremer Adnan Paçaçını xuplap, idarä şurası belän kileşäseläre kilmi. Ğazi Äl-Yawar, şuranıñ xäzerge citäkçese, Adnan Paçaçi - Ğiraqnıñ elekke tışqı eşlär ministrı.
