Accessibility links

шимбә, 10 декабрь 2016, Казан вакыты 08:06

Semberdä 1648-yılda şähärneñ Bogdan Xitrovo tarafınnan basıp alınuı waqıtında häläk bulğan babalarıbız ruxına bağışlanğan Xäter çarası uzdı


Patşa waqıtında 1898-yılda Sembergä nigez salunıñ 250-yıllığın bilgeläw buyınça zur tantanalar bulğan. Läkin annan soñ 90 yıl buyı andıy şaw-şular bulmağan. 1988-yılda ğına Semberneñ 340-yıllığın atna-un kön buyı zurlap bäyräm ittelär. Moña riza bulmağan tatar cämäğätçelege may ayı axırında yıl sayın Sember qalasın basıp alu faciğäse uñayınnan Xäter köne uzdıra başlağan ide. Ğädätkä kergän mondıy çaralarda 4–5 yöz keşe qatnaşqan yıllar da buldı. Xäzer isä - “Watan” firqäse häm Milli Mäcles tarafdarları ğına qatnaşa. Küp tügel alar - 30 – 40 çaması ğına.

“Watan” firqäse bülekçäse räise Nail Mikey kereş süzendä üzebezneñ borınğı möselman ziratı östendä cıyılğanlığıbıznı iskä töşerde häm Semberne rus basqınçılarınnan yaqlawda häläk bulğan borınğı babalarıbız ruxına yäsin çığarğa täqdim itte. Yäsin uqunı ölkäneñ elekke möftie Äyup xäzrät Deberdeyev üz östenä aldı.

Soñınnan tarixi häm dini temalarğa äñgämä, çığışlar buldı. Yıldağıça, Putin isemenä telegram suğarğa qarar qıldılar. Anda borınğı tatar-bolğar qalası Semberdäge ğädelsezleklärgä çik quyu taläp itelä. Bu telegram Putin qulına barıp keräme-yukmı, uqısa da, ul anı citdi qabul itäme-yukmı – bu turıda süz bulmadı.

Borınğı möselman ziratı östendä kafedral' çirkäw tözü xästärläre, Ul'yan ölkäse häm qalası gerblarınıñ täre belän bizälüe, Ul'yan qalasınıñ näq üzägendä zur tärele bağana utırtıp quyuları, Konstitutsiä tarafınnan birelgän xoquqlarıbıznıñ ütälmäwe häm başqa borçılular tudıruçı küreneşlärgä rizasızlıq belderelde.

Xäter könendä ayıruça elekke möselman ziratı östendä kafedral' çirkäw tözü niäte turında süz küp buldı. Şuşı urınğa quyılğan Xäter taşın qayadır alıp kitüläre turında da açulı süzlär äytelde.

Ekologlarnıñ qarşı kilüenä karamastan, çirkäw tözü turındağı qararnıñ xäwefle buluı da assızıqlandı. Çönki bu yaña tözeleş İdelneñ tekä yarındağı cir şuışu ğälämäten köçäytä ala. Zararı başqa binalarğa da tiüe ixtimal.

Milli mäcles räise Rawil Timerbulat çirkäw tözü öçen bik tä tırışıp yörüçe ruxanilarnıñ çudo-moğcizalarğa ömetlänüläre ixtimalı turında da äytep uzdı. Çönki alar, nigäder, xalıqnı dingä yaqınaytuda törle çudo-moğcizalarnı keşe ışanmaslıq däräcädä kiñ qullanalar sıman, dide Rawil äfände.

“Azatlıq” radiosı, Ayrat İbrahim, Sember.

XS
SM
MD
LG