Accessibility links

җомга, 9 декабрь 2016, Казан вакыты 18:34

Ğiraqnıñ yaña prezidentı bilgelände


Bügen Ğiraqnıñ tönyağında Baydji şähärendä amerika xärbi bazası yanında minalanğan maşina şartlawdan 11 keşe hälaq bulğan, küplär yaralanğan. Reuters agentlığı mäğlümätlärenä qarağanda, Bağdadnıñ “yäşel zona”sı yanındağı Kördstan Patriotları şurası urnaşqan baş fatirnı utqa totqannar. Kimendä 3 keşe hälaq bulğan, 20dän artığı yaralanğan. Bolar barısı da Ğiraqnıñ xäzerge idarä şurası başlığı Ğäzi Äl-Yawir 30 yünnän soñ prezident bulaçaq digän xäbär iğlan itelgäç, kilep çıqqan. Berläşkän millätlär oyışmasınıñ Ğiraqtağa wäkile Laxdar Braximi xäbärlärenä qarağanda, prezidentnıñ ike urınbasarı bilgelängän. Berse şığilar wäkile İbrahim Äl-Cäfäri, ikençese kördlärneñ autonomiäle İrbil töbäge parlament citäkçese Rawş Şawayz. Ğiraq prezidentı başlıça ilneñ wäkillek wazifaların başqaraçaq. Bilgelänüdän soñ Ğazi Äl-Yawir bolay dide:

Audio (Ğazi Äl-Yawir)

“Bez Ğiraqlılar, BMOnıñ iminlek şurası rezolyutsiäse nigezendä tulısınça möstäqillek alırğa omtılabız. Bu bezgä irekle, bäysez, demokratik, federal däwlät tözärgä mömkinlek biräçäk.”

XS
SM
MD
LG