Accessibility links

дүшәмбе, 5 декабрь 2016, Казан вакыты 11:44

Tatarstanda cil-dawıllar kütärelde


Kalendar buyınça çın cäyneñ berençe köne Qazanda bik cılı, xätta esse bulsa da, inde ikençe köne ük tatarstanlılarnı ällä ni söyendermäde. Başqalada da, respublika buylap ta yañğırlar yawdı, könnär suıttı. Alay ğına da tügel, çärşämbe könne meteoüzäk belgeçläre irtädän ük Tatarstan buylap 2 iyündä boz yawuı ixtimal, cil-dawıl da köçle bulır, dip kisätep quydılar. Xäyer, inde tönlä ük qayber rayonnarında köçle cil elektr çıbıqların özep, respublikanıñ 66 awılın elektr utsız qaldırğan, yort-binalarnıñ tübälären cimergän. Mondıy oçraqlar Täteş, Baltaç, Quqmara, Arça rayonnarında terkälgän, dip xäbär itte, Tatarstannıñ ğädättäntış xällär ministrlığı.

Läkin cil-dawıllarğa da qaramıy, säyäsi häm ictimaği tormış däwam itä, Qazanda qızıqlı häm möhim çaralar ütep tora. İnde xäbär itkänebezçä, bu könnärdä Tatarstanda Buryatiädän kilgän räsmi delegatsiä qunaqta. Buryatiäneñ prezidentı Leonid Potapov citäkçelegendäge qunaqlar Mäskäwdän Mintimer Şäymiev belän kilde. Monda alar respublika, Qazan belän tanıştı, Tatarstannıñ iqtisadi, sotsial üseş yullarındağı täcribä belän urtaqlaştı. Çärşämbe könne Mintimer Şäymiev belän leonid Potapov jurnalistlar öçen matbuğat oçraşuı uzdırdılar. Şunısın da äytep kitik, küptän tügel genä, 19 mayda, Buryatiädä tatar milli-mädäni moxtariäte cıyılışı uzdı. Anda moxtariät citäkçese itep millättäşebez Al’bert Ğäyfiev saylandı. Ul Buryatiädä genä tügel, Tatarstanda da bilgele keşe, çönki Al’bert äfände ike respublika arasındağı xezmättäşlekne üsterü östendä eşläwçe keşe. Näq menä Al’bert Ğäyfiev Rusiäneñ iñ könçığış ölkäsendä, Ulan-Ude şähärendä Tatarstan säwdä yortın oyıştırıp cibärde. Şuña da, Buryatiädän Qazanğa kilüçelär arasında millättäşebez Al’bert Ğäyfiev tä buldı.

Gölnaz İlgizär

XS
SM
MD
LG