Accessibility links

җомга, 9 декабрь 2016, Казан вакыты 14:35

Rudolf Nuriev festivale açıldı


M.Cälil isemendäge opera häm balet teatrın tözekländerü säbäple, bıyıl Rudol'f Nuriev isemendäge balet festivalen uzdırmıylar ikän, digän süzlär döreskä çıqmadı. Tamaşaçı telägen iskä alıp, festival' citäkçelege iyün ayında bulsa da, uzdırırğa uylağannar. Çärşämbe könne Rudol'f Nuriev isemendäge xalıqara balet festivale Kaçalov isemendäge Zur rus drama teatrı binasında tantanalı räweştä açıldı.Festival' L.Minkusnıñ «Bayäderka» baletı belän başlanıp kitte. Kaçalov säxnäsendä orkestr çoqırı bulmasa da, balet artistlarına muzıkanı tıñlarğa xäzerge zaman şartları- fonogramma yärdäm itte.Festival' 2 iyünnän 8 iyüngä qädär baraçaq. Ä tatar tamaşaçısın Milli balet teatrı qızıqsındıradır. Xäbär itäbez, 6 iyündä Färit Yarullinnıñ «Şüräle » spektakle quyıla.Spektakl'dä Şüräle rolen Tatarstannıñ atqazanğan artistı, xalıqara konkurslar lawreatı Artem Belov başqara.Ä Söyembikä rolen Ukrainanıñ atqazanğan artistı,xalıqara konkurslar lawreatı Tat'yana Golyakova başqara. Bu spektakl' inde küptännän Qazan teatr säxnäsendä uynalğanı yuq ide. Ä 9 iyündä festival'neñ Ğala-konsertı uzaçaq.

Bu atnanıñ yal könnärendä mädäniät dönyası xäbärlärgä bay buldı. Salawat Fätxetdinov Qazannan çığıp kitep Başqortstan cirlärendä konsertlar quyıp yörde.30 mayda anıñ konsertı Bäläbäy şähärendä uzsa, 31майда Tuymazıda , ä 1июньдә tamaşaçı anı Başqortstannıñ Oktäybrskiy şähärendä alqışladı. Bäläbäy şähärendä Salawat Fätxetdinov üzen küptännän qızıqsındırğan şäxes Bäläbäy gimnaziäse direktorıNurmöxämmät Xösäyenov belän oçraşıp söyläşkän. Qayum Nasıyri büläge iäse , Bäläbäy tatar gimnaziäse citäkçese Nurmöxämmät Xösäyenov-ul üz tuğan telen üsterügä, yäş buınnı tärbiäläwdä zur köç salıp, üzeneñ yäşäw räweşeneñ şiğare itep alğan köräşçe şäxes. Salawat Fätxetdinov andıy köçle ruxlı, milli canlı keşelärne xörmät itä ikän. Ä Salawatnıñ üzen Bäläbäy, Tuymazı yaqlarında bik yaratıp, üz itep qarşı alğannar. 2 iyün könne Qazannan Sebergä Zäynäp belän Zöfär konsert truppası säfärgä oçtı. Alar üzläreneñ bıyılğı yaña programmalarındağı moñlı cırların Seberdä yäşägän millättäşlärebezgä tıñlataçaq.Rusiäneñ abruylı teatrları qatnaşqan «Altın bitlek» festivale 7июньгә qädär Ğ.Qamal isemendäge tatar akademiä teatrı binasında däwam itäçäk. «»Altın bitlek» festivaleneñ törle yıllarda, büläklärenä layıq bulğan spektakl'lärne bu yulı Qazan räxätlänep qarıy. Mälikä Basıyr, Qazan.

XS
SM
MD
LG