Accessibility links

дүшәмбе, 5 декабрь 2016, Казан вакыты 19:40

Başqortstan – Irımbur xezmättäşlege arta


2nçe iyün Irımburda Başqortsan xökümäte häm Irımbur ölkäläre arasında säwdä-iqtisadıy, fänni, sotsiäl häm mädäni ölkälärdä xezmättäşlek turında kileşü tözelde.Anı Irımbur ğubernatorı urınbasarı Sergey Graçev häm Başqortstan respublikanıñ Premer-ministrı Rafael Baydäwlätovlar imzaladı. Respublik Prezidentı Mortaza Räximov Mäskäwdä İtaliä häm “Salawatorgsintez“ arasında xezmättäşlek turında kileşügä qul quydı. Aña yaraşlı, “Salawatorgsintez“da İtaliä cihazları quyılğan politilen citeşterü sexı açılaçaq.Ul yılına 120 meñ tonna politilen citeşterü quätenä iä bulaçaq. Salawat rayonı üzäge Maloyaz awılında Salawat Yulayıvnıñ 250 yıllığın bilgeläwne oyıştıru mäsälälärenä bağışlanğan kiñäşmä bulıp ütte.Salawatta bäyräm 19-20nçe iyündä uzaçaq. Anda tirmälärdän yasalğan şähärçek kenä dä 500dän artıq tirmäne berläşteräçäk.“Salawat cıyını“ isemle zur fol''klor bäyräm ütäçäk. Salawat rayonında bügen 10 Yulay ulı Salawat yäşi.Rayonda Salawat isemen 160 üsmer häm bala yörtä. Dürtöyledä menä inde öçençe kön qarşılıq aqsiäse bara.“Tañ“ şirqäte eşçeläre eşsez qalu säbäple piket ütkärä.Eşsez qaluçılar 150 keşe. Rayon xaqimiäte “Tañ“ belän qarşılıqqa kerep, şirqatneñ elektr energiäsen özdertkän.Eşsez qaluğa şul säbäpçe. Uzğan yılnıñ 5nçe sentäbrendä İşembay militsiäseneñ ugolovnıy rozısk başlığı Ruslan Lotfullin üzeneñ qäbinetında ber eşquarnı atıp ütergän ide.Respubliknıñ yuğarı mäxkämäse bu eşne qarap, Lotfullinnı ğäiple dip taptı häm 7 yılğa iregennnän mäxrüm itü turında qarar çığardı.Mäxrüm itü waqıtınıñ azlığın ğäiplänüçeneñ Çeçnyädağı xezmäte häm büläkläre öçen dip añlatalar.

XS
SM
MD
LG